Samarqand davlat universiteti maktabgacha ta’lim fakulteti

Didaktik material bilan ishlash qoidalari:
Bolani harakatga undash uchun materialni uning ko'zlari darajasida joylashtirish kerak (poldan 1 metrdan oshmasligi kerak).
Materialga ehtiyotkorlik bilan munosabatda bo'lish, materiallar bilan ishlashda quyidagi ketma-ketlikka rioya qilinishi zarur: materialni tanlash, ish joyini tayyorlash, harakatlarni bajarish, kuzatuv, xatolarni tuzatish, u bilan ishlash yakuniga yetgandan so'ng joyga qaytarib berish.
Montessori texnikasining afzalliklari
Montessori texnikasi uyda qo'llash uchun qulaydir. Barcha kerakli o'yin materiallari ota-onalar tomonidan mustaqil ravishda sotib olinishi yoki tayyorlanishi mumkin. Bu esa yuqori sarf-xarajat yoki ortiqcha vaqt talab etmaydi. Ota-onalardan faqat qat'iylik va bolasiga yordam berish istagi talab qilinadi. Agar oilada har xil yoshdagi ikkita bolasi bo'lsa ham, ular turli xil mashqlarni bajarishlari mumkin, ammo bitta o'yin maydonida kattasi kichigiga yordam beradi.
Zamon shiddat bilan rivojlanib borayotgan hozirgi davrda yangi fikr, yangi g`oyaga, innovatsiyaga tayangan davlat g`olibdir.
Innovatsiya bu – kelajak degani. Biz bu buyuk kelajakni barpo etishni aynan maktabgacha ta'lim tizimidan boshlashimiz lozim.
“Innovatsiya bu olg`a intilish, rivojlanish, zamonaviy axborot texnologiyalarini ta'lim – tarbiya jarayonida qo'llash ta'lim samaradorligini oshiruvchi manbadir”.
Biz axborot texnologiyalari ommalashgan va kundan kunga taraqqiy etib borayotgan davrda yashamoqdamiz. Demakki, kelajagimiz egalari bo`lgan yosh avlodni maktabgacha tarbiya yoshidanoq pedagogik jarayonda innovatsion axborot texnologiyalaridan, multimediyalardan foydalanish, kompyuter va uning afzalliklari haqida dastlabki tushunchalarini shakllantirish maqsadga muvofiqdir.
Bugungi axborot texnologiyalari asrida har bir soha vakili kompyuter va internet, undan qay tarzda foydalanish bo'yicha kerakli ko'nikmalarga ega bo'lishi kerak. Biz bunday bilim va ko'nikmalarini oshirishni maktabgacha ta'lim tizimidan boshlashimiz lozim. Vizual va audio metodlar bolaning mashg`ulotga bo'lgan qiziqishini, aktivligini oshiradi, mustaqil fikrlovchi shaxslarga aylantiradi. “Ming marta eshitgandan bir marta ko'rgan afzal” naqli bejiz emas. Bola ko'rib, amalda bajargan ishini esda saqlab qoladi.
Maktabgacha ta`lim tashkilotlarida multimedia texnologiyasidan foydalanishning о’ziga xos xususiyatlarini о’rganish, texnologiyalarni joriy etish jarayonida bolalar yoshini hisobga olish va mos holda didaktik materiallarni tanlash, ta‘lim jarayonida bolalarga pedagogik va psixologik ta‘sir etish usullarini о’rganish va amaliyotga joriy etish bugungi kunning dolzarb vazifalaridan hisoblanadi.
Bolaning ongi asosan 5-7 yoshda shakllanishini inobatga oladigan bо’lsak, aynan ana shu davrda uning qalbida tashqi muhit ta‘sirida ma‘naviyatning ilk kurtaklari namoyon bо’la boshlaydi, - deb ta‘kidlanadi. Bolaning bu yoshi maktabgacha ta`lim tizimiga to`g`ri keladi va bu o`z navbatida maktabgacha ta’lim tashkilotlari mas`uliyatini yanada oshiradi. Bolalarning intellektual salohiyatini shakllantirishning boshlang’ich davri ham xuddi ana shu yoshdan boshlanadi.