Samarqand davlat tibbiyot instituti

Oqsilli dori vositalari.
Oqsilli dori vositalari ichida oqsil 
gidrolizatlari va aminokislotalar aralashmalari ajratib ko‘rsatiladi. Oqsil 
gidrolizatlarini olish uchun manba sifatida kazein, yirik shoxli mollar 
qonidagi oqsillar, mushak oqsillari, shuningdek donor qoni eritrotsitlari 
va quyqalari xizmat qiladi. Oqsil gidrolizatlarini olishda uning dastlabki 
xom ashyosiga, fermentativ yoki ishqorli gidroliz yordamida ishlov 
beriladi. Bunda eng ko‘p qo‘llaniladigan dori vositalari kazein gidrolizati, 
gidrolizin, aminokrovin, amikin, aminopeptid, fibrinosol, aminozol, 
aminon, amigen va boshqa shu kabilardan iborat. Oqsil gidrolizatlari 
sekinlik bilan, daqiqasiga 10-30 tomchi tezlikda tomchilab, turli yo‘llar 
bilan: vena tomiri ichiga, zond orqali oshqozonga yoki o‘n ikki barmoq 
ichakka yuboriladi. Yuboriladigan gidrolizatlar hajmi sutkasiga 1,5-2 
litrni tashkil qilishi mumkin. Oqsilli gidrolizatlarnni qo‘llash mumkin 
bo‘lmagan holatlar sifatida o‘tkir gemodinamik buzilishi (shok, salmoqli 
qon yo‘qotilishi), yurak faoliyatini ta’minlab bera olmaslik, bosh miyaga 
qon quyilishi, buyrak va jigar yyetishmovchiligi, tromboembolik asoratlar 
va boshqalar kiradi. Alohida guruh eritmalariga peptidlarni parchalash 
zarurati mavjud bo‘lmaganligi sababli organizmda yengillik bilan 
o‘zlashtiriladigan aminokislotalar tashkil qiladi, ulardan kristallik 
aminokislotalar aralashmasining afzalligi bo‘lib, ularni olish 
texnologiyasi 
oddiyligi, 
aminokislotalarning 
tegishli 
joylardagi 
joylashuvi zichligi, aminokislotalar bilan har qanday nisbat ko‘rsatkichida 
dori vositalarini hosil qilish va aralashmasiga elektrolit, vitamin va 
energetik qo‘shimchalarni qo‘shish imkoniyati. Asosiy dori vositalari: 
poliamin, infuzal, infuzamin, vamin, moriamin, freamin va boshqalar. 
Aminokislotali aralashmalar
ham parenteral ozuqlanishda venaga 
tomchilab daqiqasiga 20-30 tomchi tezligida kuniga 800-1200 ml. 
miqdorida yuboriladi. Ularni zond orqali oshqozon yoki o‘n ikki barmoq 
ichakka yuborish ham mumkin. Bemorga har qanday oqsilli dori 
vositalarini quyishda biologik sinama o‘tkazish lozim.