Samarqand davlat tibbiyot instituti. Mavlyanov f. Sh., MAVLYANOV Sh. X., Xayitov u. X. Tibbiyot kasbiga kirish

Ko’krak qafasi a’zolarini operatsiya qilish uchun bemorni tayyorlash. 
Bunday bemorlar asosan ikki xil bo’limda davolanadilar. Birinchisida yurak 
va katta qon tomirlari kasallangan yoki noto’g’ri rivojlangan bemorlar davolanadi, 
ikkinchisida esa o’pka va boshqa a’zolari kasallangan bemorlar davolanadi. Mazkur 
bo’limlarda umumiy tekshiruvlardan tashqari maxsus asboblar yordamida 
o’tkaziladigan tekshiruvlar keng qo’llaniladi. Postdagi tibbiy hamshira shulardan eng 
muhimi: bronxografiya, bronxoskopiya, radionuklid aniqlash, kardiopulmonografiya, 
tashqi nafas olish faoliyatini tekshirish uslublarini yaxshi bilmog’i kerak, chunki 
bemorni tekshiruvga tayyorlash, bemor holatini nazorat qilish uning vazifasi. 
Bronxografiya traxeya va bronxlarga rentgen nurlarini o’tkazmaydigan eritma 
yuborib, ularning shaklini aniqlash. Bronxografiya narkoz berib qilinadi. Shuning 
uchun operatsiyaga tayyorlaganday tadbirlar o’tkazish shart. 

---

60 
Bronxografiyadan so’ng bemor xonasida oyoq tomoni ko’tarilgan karavotda 
yotishi kerak. 
Pnevmomediastinografiya - ko’krak qafasi oralig’iga gaz (havo, kislorod) 
yuborib rentgen nurlarida tekshirish. Mazkur oraliqdagi o’simta va boshqa hajmli 
hosilalarni uslubda yaxshi aniqlash mumkin. Kichik bolalarda bu tekshiruv narkoz 
berilgandan keyin o’tkaziladi. 
Bolalarni bevosita operatsiyaga tayyorlashda ularning umumiy ahvolini 
yaxshilash, infeksiya o’chog’larini davolash, o’pkaning drenaj faoliyatini 
kuchaytirish, davolash jismoniy mashqlarini bajarish katta ahamiyatga ega. 
Ovqаt hаzm qilish а’zolаri tizimidа
operatsiya qilish uchun avvalo 
muntazam ravishda ichaklar bo’shatilishi, organizmning ichki muhiti muvozanati o’z 
maromida bo’lishi kerak. Bola yoshiga qarab parxez tayinlanadi va har xil huqnalar 
qo’yiladi. 
Me’dani operatsiya qilishdan oldin bemorga kerakli suyuqliklar, qon va 
boshqa dori-darmonlar yuborilishi kerak. Me’da mushaklarini bo’shashtiradigan 
dorilar tayinlanadi. Bemor qancha siydik chiqarganini o’lchanadi. 
Yo’g’on ichakni operatsiyaga tayyorlashda yuqorida aytilgan choralardan 
tashqari ichakni bir necha kun ichida tozalash shart. Operatsiyadan oldin bola 
cho’miltirilib, oqliklari almashtiriladi, o’sgan tuklari qiriladi. Аlbatta kechqurun va 
ertalab tozalaydigan huqna qo’yiladi.