Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

Birinchi bosqich (A1, A1+) – nutq faoliyatini ta’minlaydigan malakalarning asosi chet tillarni o‘qitishning birinchi bosqichi I-IV sinflarda shakllantiriladi.
1-sinfda til o‘rganish turli o‘yinlar orqali amalga oshiriladi. Bunda chet til tinglab tushunish va gapirish (o‘qituvchi nutqi, audio-video moslamalar orqali takrorlash) orqali o‘rgatiladi.
Ta’limning A1 (A1+) darajasida 1-sinfda ingliz tilida tinglab tushunish va gapirish nutq ko‘nikmalari rivojlantiriladi, 2-sinfdan boshlab tinglab tushunish, gapirish, o‘qish va yozish nutq ko‘nikmasi shakllantiriladi. Talaffuz, ayniqsa, ohangni o‘zlashtirish, urg‘u qo‘yish ustida olib boriladigan mashqlar ikkinchi bosqichda ham davom ettiriladi.


Oila va ta’lim muassasasining ijtimoiy hamkorligi
Hamkorlikdan kо‘zlangan asosiy maqsad – har tomonlama rivojlangan avlodni tarbiyalashda oilalar, ota-onalar va fuqarolar о‘zini о‘zi boshqarish organlarining ta’lim muassasalari bilan hamkorlikda olib boradigan faoliyatini tizimli yо‘lga qо‘yish, farzand tarbiyasida davlat va jamoat tashkilotlari hamda jamoatchilik faolligini oshirishdir.
Xalq ta’limi vazirligi huzuridagi “Oila-mahalla-ta’lim muassasasi” hamkorligi Jamoat kengashi tо‘g‘risidagi Nizom О‘zbekiston Respublikasi Prezidentining 2018 yil 14 avgustdagi PQ-3907-son “Yoshlarni ma’naviy-axloqiy va jismoniy barkamol etib tarbiyalash, ularga ta’lim-tarbiya berish tizimini sifat jihatidan yangi bosqichga kо‘tarish chora-tadbirlari tо‘g‘risida”gi, О‘zbekiston Respublikasi Vazirlar Mahkamasining 2012 yil 19 iyundagi 175-son “Barkamol avlodni tarbiyalashda oila instituti va fuqarolarning о‘zini о‘zi boshqarish organlarining ta’lim muassasalari bilan о‘zaro hamkorligini yanada rivojlantirish chora-tadbirlari tо‘g‘risida”gi qarorlariga muvofiq О‘zbekiston Respublikasi Xalq ta’limi vazirligi huzuridagi “Oila-mahalla-ta’lim muassasasi” hamkorligi jamoat kengashi, Qoraqalpog‘iston Respublikasi Xalq ta’limi vazirligi, Toshkent shahar va viloyatlar xalq ta’limi boshqarmalari, tuman (shahar) xalq ta’limi bо‘limlari huzuridagi “Oila-mahalla-ta’lim muassasasi” hamkorligi hududiy jamoat kengashlari hamda ta’lim muassasasi qoshidagi “Oila-mahalla-ta’lim muassasasi” hamkorligi jamoat kengashlari (keyingi о‘rinlarda-maktab jamoat kengashi deb yuritiladi) faoliyat tartibini belgilaydi [10]. Barkamol avlodni tarbiyalashda oila, mahalla va ta’lim muassasalari hamkorligini mustahkamlash Nizomda о‘z ifodasini topgan (1.7-jadvalga qarang):
1.7-jadval.