|
Oila, mahalla va ta’lim muassasalari hamkorligi
№
|
Oila, mahalla va ta’lim muassasalari hamkorligi
|
Hamkorlik ishlari
|
1.
|
Mahallada faoliyat olib borayotgan “Ota-onalar universiteti” bilan hamkorlikda barkamol avlodni tarbiyalashda oilada olib boriladigan ishlar
|
yoshlarni oilaviy hayotga tayyorlash, zamonaviy namunali oilani shakllantirish, uning ma’naviy-axloqiy negizlari va an’anaviy oilaviy qadriyatlarini mustahkamlash, erta nikohlar, oilalardagi nizoli holatlar
va ajrashishlarning oldini olish bо‘yicha tushuntirish ishlarini olib borish;
huquqni muhofaza qiluvchi organlar, fuqarolarning о‘zini о‘zi boshqarish organlari va boshqa tashkilotlar bilan birgalikda xotin-qizlar о‘rtasida huquqbuzarliklar va jinoyatchilik profilaktikasini samarali tashkil etish, shu jumladan, ularning huquqiy madaniyatini oshirish
va ma’naviy-axloqiy qadriyatlarni mustahkamlash yо‘lida hamkorlik qilish;
oila institutini mustahkamlash bо‘yicha, eng avvalo, “Sog‘lom oila — sog‘lom jamiyat” konseptual g‘oyasini hayotga tatbiq etish;
umuminsoniy va milliy oilaviy qadriyatlarni, ota-ona va farzandlar о‘rtasidagi munosabatlarni tahlil qilish asosida zamonaviy namunali oilaning mezonlarini belgilash, shuningdek, zamonaviy oilaning namunali shaklini hamda “Oila jamiyat va davlat himoyasida” konstitusiyaviy prinsipini keng targ‘ib etish ishlarini olib borish;
oilada sog‘lom muhitni yaratish, milliy ruh va turmush tarzini hisobga olish, farzandlar uchun ota-ona har tomonlama о‘rnak bо‘lishi, farzandlarning ota-onasiga, Vatanga muhabbat tuyg‘usini shakllantirish;
oilada huquqiy tarbiyani yaxshilash, oila a’zolarining о‘z huquq va burchlarini anglab yetishlarini va ularga rioya qilishlarini ta’minlash;
pedagogik nuqtai nazardan kelib chiqib, voyaga yetmagan bolalarning bо‘sh vaqtlarini unumli tashkil etish, ularga qо‘shimcha ta’lim berish;
farzandini komil inson etib tarbiyalashda ota-onaning xuquqiy, tibbiy, pedagogik, psixologik savodxonligini va bilim darajasini doimo oshirib borish;
farzandini oilaviy hayotga tarbiyalashda ajdodlardan о‘tib kelayotgan boy ma’naviy meros, axloq-odob, urf-odat va an’analardan bugungi kun bilan uyg‘unlashgan holda keng foydalanish
|
2.
|
Mahalla bilan olib boriladigan ishlar
|
mahalla faollari tomonidan ta’lim muassasalari bilan birgalikda ta’lim-tarbiya jarayonida amalga oshirilishi lozim bо‘lgan masalalarni muhokama qilishda qatnashish va voyaga yetmagan bolalarni tarbiyalash bо‘yicha oqilona yechimlar topishda faollik kо‘rsatish;
voyaga yetmagan bolalarning tarbiyasiga salbiy ta’sir kо‘rsatuvchi ota-onalarni aniqlab, mahalla yig‘inlarida muhokama qilish, jamoatchilik ta’sirini о‘tkazish, lozim hollarda ushbu ota-onalar bilan tegishli profilaktik tadbirlarni о‘tkazish maqsadida mahalla faollaridan birini mahalla qarori bilan biriktirish;
ota-onalar orqali bolalarni tashabbuskorlik, mehnatsevarlik, milliy g‘urur, vatanparvarlik, milliy odob va tarbiya, baynalminallik kabi xislatlarni singdirish;
mahalla hududida ta’lim muassasalari bilan birgalikda turli kо‘rik-tanlovlar, sport musobaqalari, anjumanlar tashkil etish;
mahallada istiqomat qilayotgan xalq ustalari, san’atkorlar, ziyolilar
va barcha ijod ahlining imkoniyatlaridan foydalanib, turli tо‘garak va “Usta-shogird” yо‘nalishida bilim va kasb-hunar berishni tashkil qilish;
huquqbuzarlik, jinoyat qilishga moyil va tarbiyasi og‘ir bо‘lgan voyaga yetmaganlarni aniqlab, ularning qiziqishlariga qarab turli tо‘garaklarga jalb etish, mahalla yig‘ini qarori bilan ushbu toifadagi bolalarning har biriga mahalla faollaridan murabbiy biriktirish;
ijtimoiy ehtiyojmand oilalar farzandlarini moddiy va ma’naviy qо‘llab quvvatlash, bolalarning darslarga tо‘liq qatnashishiga imkoniyatlar yaratish
|
3.
|
Ta’lim muassasalari bilan olib boriladigan ishlar
|
mahalla kengashi bilan hamkorlikda mahallada yashovchi tarbiyasi og‘ir bо‘lgan, tartibbuzarlik, zо‘ravonlik, о‘g‘rilik, tanga jarohat yetkazish, nomusga tajovuz qilish, giyohvandlik va shunga о‘xshash maishiy buzuqliklar bilan noma’qul yо‘llarga kirib qolgan voyaga yetmagan bolalarni aniq rо‘yxatini tuzish, ularning ota-onalari haqida tо‘liq ma’lumot olish, ijtimoiy kelib chiqishi, ushbu yо‘llarga kirib ketish sabablarini aniqlash hamda ular bilan tegishli tashkilotlar, jamg‘armalar hamkorligida manzilli profilaktik ishlarni tashkil etish;
о‘quvchilarning imkoniyatlari va qiziqishlarini inobatga olib, iqtisodiy va ijtimoiy muhitdan kelib chiqib, ularni turli soha bо‘yicha kasb-hunarga yо‘naltirish va ta’limda tabaqalashtirilgan yondashuvni joriy etish
|
Ta’lim muassasalari huzuridagi “Oila-mahalla-ta’lim muassasasi” hamkorligi jamoat kengashlari (keyingi о‘rinlarda maktab jamoat kengashi deb yuritiladi) tarkibi tuman (shahar) xalq ta’limi bо‘limlari huzuridagi jamoatchilik kengashlari bilan hamkorlikda tuziladi va tasdiqlanadi. Jamoat kengashi mustaqil, demokratik, tarbiyaviy, ma’naviy-ma’rifiy jamoatchilik tashkiloti hisoblanib, о‘z faoliyatini о‘quvchi - yoshlar, ota-onalar va keng jamoatchilik ishtirokida olib boradi va shu asosda о‘z faoliyatida qonuniylik, oshkoralik, ijtimoiy adolat va insonparvarlik tamoyillariga amal qiladi.
Do'stlaringiz bilan baham: |
