Самарқанлд давлат университети география ва экология факулътети “ экология ва ҳаёт фаолияти хавфсизлиги” кафедраси

Ҳалокат ўчоқларида санитар-эпидемик тадбирларни ўтказиш ва тиббий-санитар оқибатларини тугатиш учун жалб қилинадиган куч ва воситалар.

Фавқулодда вазиятлар марказларида эпидемик қатламлар ва оммавий тиббий-санитар йўқотишлар юзага келиш эҳтимоли борлиги муносабати билан тиббий ёрдам кўрсатиш ва профилактик тадбирлар ўтказиш учун катта миқдорда тиббий тузилмаларни жалб қилиш керак бўлади. Госпиталлаштириш ва жароҳатланганларни даволаш эса кўп сонли тиббиёт муассасаларидан фойдаланишни талаб қилади.
Айни пайтда ШТХ тизимида тиббий санитар фавқулодда вазиятларнинг оқибатларини муваффақиятли тугатишда қуйидагилар мавжуд:
санитар дружиналари (СД) - 24 киши;
инфекцион бригадалар (ШМТЁМБ) - 7 киши;
санитар-профилактика бригадалари - 8 киши;
эпидемияга қарши махсус бригада - 33 киши;
эпидемиологик бўлинмалар - 8 киши;
бактериологик бўлинма — 23 киши.
ГЛОССАРИЙ
Авария – аниқ бир ҳудуд ёки объектда одамларнинг ҳаёти, соғлиғи ва мол-мулкига таҳдидни юзага келтирувчи ва биноларнинг, иншоотларнинг, асбоб ускуналарнинг ва транспорт воситаларининг шикастланишига, ишлаб чиқариш ва транспорт (юк ташиш) жараёнининг бузилишига ҳамда одамлар соғлиғига, шунингдек атроф табиий муҳитга зарар етишига олиб келиши мумкин бўлган хавфли техноген ҳодиса.
Адаптация, мослашув – организмнинг ташқи муҳитнинг ўзгараётган шароитига мослашувчанлиги.
Аҳоли муҳофазаси – табиий офатлар, техноген авария ва ҳалокатларнинг реал хавфи туғилганда одамлар ҳаёти ва соғлиғига таҳдидни бартараф этш ва камайтиришга йўналтирилган, жойи, вақти, ўтказилиши, мақсади, имкониятларига кўра ўзаро алоқадор чора-тадбирлар мажмуи.
Аҳолини ва ҳудудларни фавқулодда вазиятлардан муҳофаза қилиш - фавқулодда вазиятларнинг олдини олиш ва уларни бартараф этиш чоралари, усуллари, воситалари тизими, саъй-ҳаракатлари мажмуи.
Атроф табиий муҳит – инсоннинг яшаш ва ишлаб чиқариш муҳити; инсонга бевосита ва билвосита таъсир кўрсатадиган, соф табиий муҳит элементларининг жами.