Самарқанд иқтисодиёт ва сервис институти

ДЕПОЗИТ СЕРТИФИКАТИ
- маълум бир муддатга пул маблағларини банкка 
қўйган шахсларга бу ҳақда тасдиқловчи қимматбаҳо қоғоз бўлиб, унинг эгаси 
даромад манбаи ҳисобланади. Д.с. бошқа шахсларга бериладиган ва берилмайдиган 
бўлиши мумкин. 
ДИВИДЕНД
- акциядорлик жамияти фойдасининг бир қисми бўлиб, 
акциядорлар ўртасида солиқларни, ишлаб чиқаришни кенгайтиришга ажратмаларни, 
захираларни ташкил этиш, облигациялар бўйича фоизларни ва бошқа тўловларни 
амалга оширилганидан сўнггина тақсимланади. 
ДИЛЕР (даллол)
- фонд биржасининг аъзоси (алоҳида шахс, фирма) ва банклар. 
Дилер қимматбаҳо қоғоз, валюта, қимматбаҳо металлар савдоси билан шуғулланиб, 
ўз номи ва ўз ҳисобидан ҳаракат қилади. Дилерлар ўзаро, ҳамда брокерлар ва 
бевосита мижозлар билан (мижозлар билан Лондон фонд биржаси дилерлари - 
джобберлар) келишувни амалга оширадилар. Д. фойдаси харидор ва сотувчи 
курсларининг фарқи ҳисобига, шунингдек, қимматбаҳо қоғозлар, валюта курслари 
ўзгариши ҳисобига вужудга келади. Кўпгина фонд биржаларининг дилерлари 
брокерлик жараёнларини амалга оширади. 
ДИСКОНТ
- 1) васиқа ҳисоби; 2) ҳисоб фоизи - васиқа ҳисобида банкларга 
тўланадиган фоиз; 3) биржа ва валюта ишларида - товар катирал баҳосидан устама 
(масалан, агар товар сифати стандартдан паст бўлса) валюта. 
ИЖАРА
(поляк. - arenda ва лат. аrrendare - қарзга фойдаланишга бериш) - 
Шартнома асосида буюмларнинг вақтинчалик фойдаланишга белгиланган ижара 
ҳақи тўлови асосида берилиши. 
Буюмни вақтинчалик фойдаланишга берувчи томон ижарага берувчи, қабул 
қилиб олувчи эса, ижарачи деб аталади. Ижара муносабатларида асосан асосий 
воситалар ижарага берилиши мумкин. Ижара жорий ва узоқ муддатли молияланган 
бўлиши мумкин. Бухгалтерия ёзуви ҳам шу ижаранинг қайси турда олиб борилишига 
қараб юритилади.
ИНВЕСТИЦИЯ
- сўзи немисча investition, лотинча investio сўзларидан олинган 
бўлиб, у капитални узоқ муддатли қўйилмалар тариқасида саноат, қишлоқ хўжалиги, 
транспорт ва бошқа тармоқларга сарф этиладиган харажатлар суммасидир.