Самарқанд иқтисодиёт ва сервис институти

АСОСИЙ ВОСИТАЛАР
- ишлаб чиқариш ва ноишлаб чиқаришга тааллуқли 
меҳнат воситалари (бинолар, иморатлар, машиналар, дастгоҳлар ва ҳ.к.о)Бухгалтерия 
ҳисобида асосий воситалар гуруҳларга ажратилади ва ҳисоб олиб борилади. Асосий 
воситалар ишлаб чиқариш жараёнида кўп давр мобайнида иштирок этиб, (бир неча 
ишлаб чиқариш босқичида) ўзининг дастлабки кўриниши ва шаклини ўзгартирмайди 
ва қийматини тайёрланаётган маҳсулотга ўтказади. 
АУДИТ
- лотинча «audio» сўзидан олинган «у эшитади» деган маънони 
билдиради. Аудит мустақил ташқи молиявий назорат бўлиб, ушбу корхонада 
ишламайдиган мустақил ҳамда дипломли аудиторлар томонидан олиб борилади. 

---

410 
АУКЦИОН
- баъзи товарларни белгиланган муддатда ва тайинланган жойда 
сотиш усули (ким ошди савдоси). Ўзига хос хусусияти олдиндан товарлар намойиш 
этилиши ва масъул сотувчининг иштирок этмаслиги. Халқаро савдода ҳам кенг 
тарқалган (пахта, олтин, чой, нефть маҳсулотлари ким ошди савдоси). 
БАЛАНСДАГИ СЧЕТЛАР
- бухгалтерия кўрсаткичлари балансида акс 
эттириладиган бухгалтерия счетларидир. Бунда баланс моддаси номи балансдаги 
счетлар номи билан мос келиши шарт деган маъно келиб чиқади. Биргина баланс 
счетининг кўрсаткичи баланс моддаларининг бир нечтасида акс эттирилиши мумкин. 
БАЛАНСДАН ТАШҚАРИ СЧЕТЛАР
- шундай счетларки, уларнинг 
қолдиқлари бухгалтерия балансида акс эттирилмайди. Бу счетлар бошқа кор-
хоналарга тегишли ва корхонада мавжуд бўлган товар-моддий бойликларни вақтинча 
ҳисобга олиш учун мўлжалланган. Балансдан ташқари счетларда ҳисоб оддий, яъни 
икки ёқлама ёзувсиз амалга оширилади. Бу счетлар ўзаро, ҳамда баланс счетлари 
билан ҳам корреспонденцияга киришмайди.
БАҲО – 
товар қийматининг пул кўринишида ифодаланиши. Товарнинг 
баҳосини белгилаш учун асос ушбу товарнинг ишлаб чиқариш таннархи 
ҳисобланади. Товарнинг баҳоси қийматдан фарқ қилиши мумкин. Бозор иқтисодиёти 
шароитида баҳо товар учун талаб ва таклифдан келиб чиқиб белгиланади.