Самарқанд давлат университетида таълимнинг кредит тизими шароитларида талабалар билимини назорат қилиш тартиби ва баҳолаш мезонлари” БЎйича мазкур тартиб-қоидаларни ўрганиб олинг ва доимо ёдингизда сақланг

“САМАРҚАНД ДАВЛАТ УНИВЕРСИТЕТИДА ТАЪЛИМНИНГ КРЕДИТ ТИЗИМИ ШАРОИТЛАРИДА ТАЛАБАЛАР БИЛИМИНИ НАЗОРАТ ҚИЛИШ ТАРТИБИ ВА БАҲОЛАШ МЕЗОНЛАРИ” БЎЙИЧА МАЗКУР ТАРТИБ-ҚОИДАЛАРНИ ЎРГАНИБ ОЛИНГ ВА ДОИМО ЁДИНГИЗДА САҚЛАНГ.

1. 
   Самарқанд давлат университетида талабалар билими Ўзбекистон Республикаси Олий ва ўрта махсус таълим вазирининг 2018 йил 9 августдаги 19-2018-сон буйруғи билан тасдиқланган “Олий таълим муассасаларида талабалар билимини назорат қилиш ва баҳолаш тизими тўғрисида”ги Низомга мувофиқ ишлаб чиқилган йўриқномага асосан баҳоланади.
   

Талабанинг ҳар бир фан бўйича ўзлаштириш даражаси талабаларнинг билим, малака ва кўникмалари 5 баҳолик тизимда амалга оширилади. Талабанинг семестр мобайнидаги ҳар бир фан бўйича ўзлаштириши 100 баллик тизим асосида бутун сонлар билан баҳоланади ҳамда якунда баллар 5 баҳолик тизимга қуйидагича конвертация килинади:

• 
  87-100 балл – 5 (аъло);
  
• 
  73-86 балл – 4 (яхши);
  
• 
  60-72 балл – 3 (қониқарли);
  
• 
  0-59 балл - 2 (қониқарсиз).
  

2. 
   Талабаларнинг билим савияси ва ўзлаштириш даражаси ОРАЛИҚ ВА ЯКУНИЙ НАЗОРАТ ўтказиш орқали аниқланади.
   

ОРАЛИҚ НАЗОРАТ семестр давомида ўқув дастурининг тегишли (фаннинг бир неча мавзуларини ўз ичига олган) бўлими тугаллангандан кейин талабанинг билим ва амалий кўникма даражасини аниқлаш ва баҳолаш усули бўлиб, назоратнинг ушбу тури фан ўқитувчилари томонидан амалга оширилади. Оралиқ назоратларнинг сони: ҳажми 2 кредитгача бўлган фанга бир мартадан, ҳажми икки кредитдан ортиқ фанларда икки марта бўлади. Назорат шакли: ёзма, оғзаки ёки тест бўлиши мумкин. Оралиқ назоратларга – жами рейтингнинг 50 бали ажратилади ва мазкур балл назоратларга; амалий, семинар ёки лаборатория дарсларидаги фаолликка; мустақил ишга тарзида тақсимланади.


Программалаш асослари фани бўйича ОРАЛИҚ НАЗОРАТда тўплаш мумкин бўлган балларнинг тақсимоти:

1. 
   Маъруза машғулотлари юзасидан берилган тест саволлари учун жами 8 балл (Жами 8 та тест топшириғи. Ҳар бир тест топшириғи учун максимал 1 баллдан).
   
2. 
   Амалий машғулотлар юзасидан берилган топшириқлар учун жами 22 балл (Жами 11 та топшириқ. Ҳар бир топшириқ учун максимал 2 баллдан).
   
3. 
   Лаборатория машғулотлари юзасидан берилган топшириқлар учун жами 20 балл (Жами 11 та топшириқ. Ҳар бир топшириқ учун максимал 1,8 баллдан).
   

ЯКУНИЙ НАЗОРАТ фан буйича назарий билим ва амалий кўникмаларнинг талабалар томонидан ўзлаштириш даражасини баҳолаш усули ҳисобланади. Якуний назорат асосан таянч тушунча ва ибораларга асосланган ёзма иш ёки тест шаклида ўтказилади. Санъат ва жисмоний тарбия йўналишларида айрим мутахассислик фанларидан якуний назоратлар амалий шаклда ўтказилиши мумкин. Университетда якуний назоратлар имтиҳон ўтказилаётган фандан машғулот олиб бормаган университет профессор-ўқитувчилари ёки турдош ОТМ мутахассисларини текширишга жалб қилган ҳолда “Назоратларни ташкил этиш ва ўтказиш бўлими”да ўтказилади. Якуний назоратга – жами рейтингнинг 50 бали ажратилади.
Якуний баҳолаш натижасидан норози бўлган такдирингизда, баҳолаш натижаси эълон қилинган вактдан бошлаб 24 соат давомида апелляция бериши мумкин. Берилган апелляция Апелляция комиссияси томонидан 2 кун ичида кўриб чиқилади ва хулоса Сизга тақдим қилинади.
Унутманг! Якуний назоратда 30 балл тўплай олмаган талаба ҳам фандан академик қарздор ҳисобланади.
Эслаб қолинг! Бир фандан 10 соат сабабсиз машғулот қолдирган тақдирингизда, ушбу фандан автоматик равишда якуний назоратга киритилмайсиз ва фандан академик қарздорга айланасиз.