Самарқанд давлат университети ҳузуридаги илмий даражалар берувчи dsc

Тадқиқотнинг амалий натижалари қуйидагилардан иборат:
миллатлараро толерантлик тушунчасининг генезиси ва ривожланиш босқичлари, шунингдек ушбу тушунчанинг миллий ўзига хос хусусиятлар нуқтаи назардан ўзгариши ёритиб берилган;
Форобий, Беруний, Навоий, Хожа Аҳмад Яссавий, Жалолиддин Румий каби мутафаккирлар асарларида халқлар дўстлиги ва ҳамжиҳатлигига оид ғоялари ва фалсафий қарашлари миллатлараро толерантлик нуқтаи назаридан ўрганилган ва таҳлил қилинган;
“миллатлараро толерантлик” тушунчасининг ўзига хос хусусиятлари ишлаб чиқилди, «Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси» уйғун ривожланишининг концепциялари сифатида асослаб берилган;
тадқиқот ишида ўзбек халқининг ҳозирги замон ижтимоий-маънавий ҳаётида миллатлараро толерантликнинг шаклланишига таъсир қилувчи қадриятлардан амалиётда кенг фойдаланиш бўйича таклиф ва тавсиялар ишлаб чиқилган.
Тадқиқот натижаларининг ишончлилиги Республика ва халқаро миқёсдаги илмий конференция, семинарлар материаллари тўпламлари, ОАК рўйхатидаги махсус журналлар ҳамда хорижий илмий журналларда чоп этилган мақолаларда акс эттирилган хулоса, таклиф ва тавсияларнинг амалиётга жорий этилганлиги, олинган натижаларнинг ваколатли ташкилотлар томонидан тасдиқланганлиги билан изоҳланади.
Тадқиқот натижаларининг илмий ва амалий аҳамияти.
Тадқиқот натижаларининг илмий аҳамияти диссертациядаги умумлашма ва хулосалардан жамиятнинг, шу жумладан ёшларнинг, маънавий-ахлоқий ривожланиши ва ушбу жараёнда миллатлараро толерантликнинг ахлоқий ҳодиса сифатидаги ўрни муаммоларининг кейинги ўрганилишида қўлланилиши билан белгиланади.
Тадқиқот натижаларининг амалий аҳамияти улардан махсус илмий, илмий-назарий ва илмий-амалий анжуманларни ўтказишда, шунингдек этика, ижтимоий фалсафа, маданиятшунослик, социология, ижтимоий педагогика ва психология фанлари бўйича баъзи мавзуларни баён қилишда фойдаланиш мумкинлиги билан изоҳланади. Бундан ташқари, тадқиқот натижаларидан “Маънавият ва маърифат” марказлари амалиётида, “Ёшлар иттифоқи” ёшлар ҳаракати томонидан аҳоли ўртасида маданий-маърифий чора-тадбирларни ўтказишда, таълим муассасалари учун ўқув-методик қўлланмаларни тайёрлашда фойдаланиш мумкин.