Salimjon buriyev, dildora maxkamova, vafabay sherimbetov ekologiya va atrof muhit muhofazasi

tabiiy (biologik) ifloslanish
 deyiladi. 
Ilmiy  adabiyotlar  tahlili  shuni  ko‘rsatmoqdaki,  atmosfera  havosiga 
koinotdan  yiliga  1  mlrd  t  dan  ortiq  turli  xil  gaz  va  chang  zarrachalari  kelib 
qo‘shiladi.  Bundan  tashqari,  Yer  yuzida  500  dan  ortiq    doimiy  harakatdagi 
vulqonlar  mavjud  bo‘lib,  ularning  har  biridan  yiliga  75  mln  t  gacha  turli  gaz  va 
changlar  atmosfera  havosiga  qo‘shilib  turadi.  Yoki  Orol  dengizining  qurishi 
hisobiga  hosil  bo‘lgan    3,5  mln  gektardan  ziyodroq  dengiz  tubining  tuzli 
maydonidan  yiliga  100  mln  t  dan  ortiq  chang  va  tuz  zarrachalari  atmosfera 
havosiga  qo‘shilmoqda.  Bularning  barchasi  tabiiy  holda  vujudga  keladi  va 
atmosferaning  tabiiy  ifloslanishiga  sababchi  bo‘ladi.  Ammo  shu  bilan  birga 
atmosfera havosi tarkibidagi tabiiy changlarning ma’lum bir miqdori Yerda sodir 
bo‘ladigan  fizik,  kimyoviy  va  biologik  jarayonlarning  kechishi  uchun  katta 
ahamiyatga  ega.  Atmosfera  havosi  tarkibidagi  changlar  suv  bug‘lari  uchun 
kondensasiya yadrosi hisoblanadi va atmosfera yog‘inlariga sababchi bo‘ladi. Ular 
Quyosh  nurlarini  yutib,  tirik  organizmlarni  ortiqcha  nurlanishidan  saqlaydi.  Shu 
bilan  birga  atmosfera  havosi  tarkibidagi  changlar  ma’lum  darajada  uning  asosiy 
elementlaridan  biri  hisoblanadi  va  atmosferada  kechadigan  barcha  hodisa  va 
jarayonlarni tartibga solib turadi.