Salimjon buriyev, dildora maxkamova, vafabay sherimbetov ekologiya va atrof muhit muhofazasi

---

1 
 
O‘ZBEKISTON RESPUBLIKASI OLIY VA O‘RTA MAXSUS TA'LIM 
VAZIRLIGI 
 
SALIMJON BURIYEV, DILDORA MAXKAMOVA,  
VAFABAY SHERIMBETOV 
 
 
EKOLOGIYA VA ATROF MUHIT MUHOFAZASI 
Oliy va o‘rta maxsus ta’lim vazirligi tomonidan oliy o‘quv yurtlari 
talabalari uchun o‘quv qo‘llanma sifatida tavsiya qilingan 
 
 
 
 
 
 
 
 
 
 
Toshkent – 2018  

---

2 
 
 
Mazkur  o‘quv  qo‘llanmada  tabiat,  jamiyat  va  inson  o‘rtasidagi  o‘zaro 
munosabatlarning  tadrijiy  rivojlanishi,  ekologiya  va  atrof  muhit  muhofazasi 
fanining  tushunchasi,  predmeti  va  vazifalari,  O‘zbekistondagi  ekologik  vaziyat, 
organizm va muhit, ekotizimlar va ularning xususiyatlari, biosfera, biologik xilma-
xillik,  ijtimoiy  ekologiya,  tabiiy  resurslardan  oqilona  foydalanish,  atmosfera,  suv 
va  tuproq  resurslarini  muhofaza  qilish,  ekologik  xavfsizlikni  ta’minlashning 
tashkiliy-huquqiy  va  texnik  asoslari,  ekologiya  va  xalqaro  hamkorlik,  ekologik 
ta’lim-tarbiya va barqaror rivojlanishga oid masalalar yoritib berilgan.  
Ushbu o‘quv qo‘llanma 5450200 – suv xo‘jaligi va melioratsiya, 5430100 – 
Qishloq xo‘jaligini mexanizatsiyalashtirish, 5340700 – Gidrotexnika qurilishi (suv 
xo‘jaligida)  va  boshqa  oliy  o‘quv  yurtlarida  tahsil  olayotgan  talabalarga,  mazkur 
masala  yuzasidan  ilmiy  izlanishlar  olib  borayotgan  tadqiqotchilarga,  tabiatni 
muhofaza qilish muassasalari xodimlariga, shuningdek, mazkur mavzu doirasidagi 
ma’lumotlar bilan qiziquvchi keng kitobxonlar doirasiga mo‘ljallangan.  
O‘quv  qo‘llanma  O‘zbekiston  Respublikasi  Oliy  va  o‘rta  maxsus  ta’lim 
vazirligining  2018  yil  14  iyundagi  531-sonli  buyrug‘iga  asosan  chop  etishga 
tavsiya etilgan. 
 
Taqrizchilar:  
E.Berdiyev  –  Tosh  DAU  Manzarali  bog‘dorchilik  va  ekologiya  kafedrasi 
mudiri, dotsent, b.f.n. 
N.Sabitova – O‘zMU Geografiya kafedrasi professori, g.f.d. 
 

---

3 
 
KIRISH 
Mustaqillik  yillarida  O‘zbekiston  Respublikasida  ekologik  xavfsizlikni 
ta’minlash bo‘yicha muhim huquqiy, tashkiliy va ijtimoiy-iqtisodiy chora-tadbirlar 
ishlab chiqildi va amalga oshirildi. 
 
Ekologiya,  atrof-muhit  muhofazasi,  tabiiy  resurslardan  oqilona  foydalanish 
va ularni qayta tiklash, chiqindilar bilan bog‘liq ishlarni amalga oshirish sohasidagi 
davlat  siyosatining  samarali  amalga  oshirilishini  ta’minlash,  bu  yo‘nalishdagi 
davlat  boshqaruvi  va  nazorat  tizimini  takomillashtirish  maqsadida,  shuningdek, 
“2017-2021  yillarda  O‘zbekiston  Respublikasini  rivojlantirishning  beshta  ustuvor 
yo‘nalishi  bo‘yicha  Harakatlar  strategiyasini  amalga  oshirishga  oid  Davlat 
dasturida  ko‘zda  tutilgan  vazifalarni  hal  etish  uchun  O‘zbekiston  Respublikasi 
Prezidentining