Сафарова Дилбар Джамаловна биология фанлари номзоди, доцент

Моякларнинг генератив функцияси. Сперматогенез

Моякнинг фақат эгри-бугри каналчалар деворида сперматогенез жараёни рўй беради ва натижада эркак жинсий ҳужайралар – сперматозоидлар етилади. Қолган давом этувчи каналчалар уруғни олиб кетувчи йўллар ҳисобланади. Шу сабабли қисқача сперматогенез жараёнини ўтиш хусусиятларини кўриб чиқамиз. Сперматогенез – бу эркак жинсий ҳужайраларининг (сперматозоидларнинг) етилиши, ҳайвон организмларда уруғдонларда, одамда – моякда ўтади.

Сперматогенез жараёни моякнинг уруғ каналлларида рўй беради. Уруғ каналчалари эгри-бугри найчалардан иборат бўлиб, буларнинг деворининг ҳар бир қатламида (зонасида) эркак жинсий ҳужайраларни турли етилиш даврида кўриш мумкин. Сперматогенез 4 даврдан иборат:

1. 
   Кўпайиш даври
   
2. 
   Ўсиш даври
   
3. 
   Етилиш даври
   
4. 
   Шаклланиш даври
   

1. 
   Кўпайиш даври – эгри-бугри каналчаларнинг ички юзаси сперматоген эпителий билан қопланган. Сперматоген эпителий ҳужайралари базал мембрана устида жойлашган бўлиб, орасида ёрдамчи ҳужайралар учрайди. Сперматоген эпителийнинг энг ташқи қаватида бевосита базал мембрана устида сперматогониялар жойлашган. Булар – жуда кичик, бирламчи диплоид ҳужайралар бўлиб, интенсив равишда митотик йўл билан тез-тез кўпаядилар.
   
2. 
   Ўсиш даврида кўпайиш даври натижасида ҳосил бўлган ҳужайралар ўсади, цитоплазма ҳажми ортади, ядро катталашади, ДНК синтезланади ва натижада кўпайишдан тўхтаган сперматогониялардан биринчи тартибли спермато-цитлар етилади.
   
3. 
   Етилиш даври мейоз бўлинишдан иборат. Мейоз иккита кетма-кет митотик бўлинишдан ташкил топган бўлиб, биринчи ва иккинчи митозлар орасида интерфаза даври бўлмайди. Биринчи тартибли сперматоцитлар биринчи митотик бўлинишидан сўнг иккинчи тартибли сперматоцитларга айланади. Иккинчи митотик бўлинишидан сўнг иккинчи тартибли сперматоцитлардан гаплоидли сперматидалар ҳосил бўлади.
   
4. 
   Шаклланиш даври сперматидалар ядросида ҳеч қандай ўзгаришлар рўй бермайди, ҳужайрада фақат морфологик ўзгаришлар кузатилади. Сперматидаларда бош, бўйин ва дум қисмлари шаклланади ва натижада етилган сперматозоидлар ҳосил бўлади.
   

349. 
     
350. 
     
351.