Сафарова Дилбар Джамаловна биология фанлари номзоди, доцент

1 – Шумлянский-Боуэмен капсуласи, 2 – буйрак таначасининг коптокчаси,

3 – Мальпигий-Шумлянский таначаси капсуласининг ичи, 4 – буралма каналчанинг бошланғич қисми, 5 – қон капиллярлари, 6 – йиғувчи (қўшувчи) найча, 7 – Генле қовузлоғи, 8 – иккиламчи буралма каналчаларнинг дистал учи, 9 – буйрак артерияси, 10 – буйрак венаси, қонни олиб келувчи коптокчали артериола, 11 – қонни олиб кетувчи коптокчали артериола.

Нефрон тўғри ва эгри-бугри каналчалар тизимидан иборат. Ҳар бир нефронда коптокчали ва каналчали қисмлар фарқланади. Коптокчали қисм ёки Мальпиги таначаси ўз навбатида томирли коптокча капиллярларидан ва Боумен-Шумлянский капсуласидан иборат. Томирли коптокча 50 тага яқин капиллярлар қовузлоғидан иборат. Шумлянский капсуласи косачага ўхшаш бўлиб, ташқи ва ички варақлар-дан иборат, орасида эса ёриқсимон бўшлиқ жойлашган. Томирли коптокчани Шумлянский капсуласи ўраб туради. Бу ерда сийдик ҳосил бўлишнинг биринчи босқичи – фильтрация жараёни рўй беради. Натижада қондан бир-ламчи сийдик ҳосил бўлади. 1 сутка давомида бирламчи сийдикнинг умумий миқдори 60-80 литрни ташкил этади. Бундай сийдикнинг таркибида зарарли моддалардан таш-қари, организмга зарур бўлган моддалар кқп миқдорда бўлади. Буларга оқсиллар, глюкоза, альбуминлар, тузлар ва сув киради.

Нефронннинг иккинчи қисми – каналчали қисм бўлиб, қуйидаги бўлимлардан иборат: проксимал бўлим, Генле қовузлоғи (пастга тушувчи ва юқорига кўтарилувчи қисмлардан иборат), дистал бўлим ва йиғувчи найчадан. Нефроннинг проксимал ва дистал бўлимлари I ва II тартибли эгри-бугри каналчалар деб аталади. Генле қовузлоғининг найчалари ва йиғилувчи найча тўғри каналчалардан ташкил топган. Каналчаларни девори бир қаватли эпителийдан тузилган. Каналчали қисмида сийдик ҳосил бўлишининг иккинчи босқичи – реабсорбция ёки қайта суриш жараёни рўй беради. Каналчалар деворининг эпителий ҳужайралари бирламчи сийдикдан натрий, калий ионла-рини ва сувни қайта суради. Натижада, иккиламчи сийдик ҳосил бўлади. Унинг умумий миқдори 1-1,5 литрни ташкил этади.

Шундай қилиб, нефронда сийдик ҳосил бўлиш жараёни икки босқичдан иборат: фильтрация ва реабсорбциядан. Фильтрация жараёни коптокчали қисмида ўтиб, натижада бирламчи сийдик 60-80 л миқдорда ҳосил бўлади. Реабсорбция жараёни каналчали қисмида ўтиб, натижада иккиламчи сийдик 1-1,5 л миқдорда ҳосил бўлади.

Буйраклар нафақат ажратишда иштирок этувчи аъзо-лардир, уларни бажарадиган бошқа функцияларига кўра ички секреция бези деб кўриш мумкин. Нефрондаги Генле қовузлоғининг юқорига кўтарилувчи каналчасини дистал бўлимига ўтиш жойида кўп миқдордаги ядролар тўдасини кўриш мумкин, базал мембранаси бўлмайди. Дистал бўлимининг бу қисми зич доғ деб ном олган. Қон олиб келувчи ва қон олиб кетувчи артерияларнинг зич доғга тегиб турадиган деворида, эндотелиоцитлар тагида юкстагломе-руляр хужайралари жойлашади. Бу ҳужайралар қон босимини идора этадиган ренин оқсилини ва буйрак эритропоэтик факторини ишлаб чиқаради. Буйрак эритропоэтик фактори эритроцитопоэз ёки эритроцитларни ривожланишини тезлаштирадиган моддаларни ишлаб чиқаради.