Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

2. Turizm sohasining iste’molchilari kimlar?
a) turistlar
b) xizmatchilar
d) turagentlar
e) oshpazlar
3. Ilk sayohatchilarni toping.
a) ko‘chmanchilar.
b) savdogarlar, ziyoratchilar.
d) chorvadorlar.
e) a va b javoblari to‘g‘ri
4. Turizmning sayohatdan farqi nimada?
a) aniq maqsad va muddatning chegaralanganligida
b) aniqlikda va rejalikda
d) faqatgina tashkillashtirilganda.
e) turmush tarzida
5. Ommaviy ravishda tashrif buyurishning tashkilotchisi sifatida Tomas Kuk qaysi shaharga tur tashkil etgan?
a) Parij
b) Shvetsariya
d) Angliya
e) Avstriya

3-mavzu. TURIZM SOHASINING TASNIFLANISHI VA TURLARI
Reja:
3.1. Turizm sohasining tasniflanishi va turlari
3.2. Aktiv va passiv turizm turlarining xususiyatlari


3.1. Turizm sohasining tasniflanishi va turlari

Zamonaviy turizmning o‘ziga xos xususiyatlarini belgilash maqsadida, uning muhim tasnifiy belgilarini aniqlab olish zarur bo‘ladi. Jumladan, geografik va turistik talab yo‘nalishi bo‘yicha, safar maqsadi, harakatlanish usuli, turistlarni joylashtiruv vositalari va ishtirokchilar soni bo‘yicha, tashkiliy-huquqiy shakllarini tasniflash maqsadga muvofiqdir.

3.1-jadval
Turizm sohasining tasniflanishi

№	Tasniflanadigan belgilar	Turizm turlari
1	Geografik va turistik talab yo‘nalishi bo‘yicha	. Milliy . Xalqaro 1.3. Hududiy (mintaqaviy) 1.4. Ichki 1.5. Kiruvchi 1.6. Chiquvchi
2	Maqsadlar bo‘yicha	2.1. Tarixiy obidalar turizmi 2.2. Arxeologik turizm 2.3. Rekreatsion turizm 2.4. Sog‘lomlashtiruvchi dam olish 2.5. Malakaviy ish turizmi 2.6. Ilmiy turizm 2.7. Sport turizmi 2.8. Shop-turlar 2.9. Diniy turizm (haj safari, ziyorati) 2.10. Qo‘msash, sog‘inish turizmi 2.11. Ekoturizm 2.12. Ovchilik turizmi 2.13. Gastronomiya turizmi 2.14. Safari turizmi
3	Moliyalashtirish manbai bo‘yicha	3.1. Ijtimoiy turizm 3.2. Tijoriy turizm
4	Harakatlanish usuli bo‘yicha	4.1. Yayov 4.2. Aviatransport 4.3. Dengiz transporti 4.4. Daryo transporti 4.5. Avto tarnsport 4.6. Temir yo‘l transporti 4.7. Velosiped transporti 4.8. Ulovlarda 4.9. Aralash
5	Joylashuv vositalari bo‘yicha	5.1. Otellarga, mehmonxonalarga 5.2. Motellarga 5.3. Pansionatlarga 5.4. Kempinglarga 5.5. Palatkalarga 5.6. Rotellarga 5.7. Botellarga 5.8. Sanatoriylarga 5.9. Flotellarga 5.10. Xostellarga 5.11. Otel-klublarga 5.12. Turbazalarga 5.13. Turistik uylarga 5.14. Appartamentlar
6	Ishtirok etuvchilar soni bo‘yicha	6.1. Individual-yakka 6.2. Oilaviy 6.3. Guruhlar bo‘lib
7	Tashkiliy shakllari bo‘yicha	7.1. Tashkil etilgan 7.2.Tashkil etilmagan

Geografik va turistik talab yo‘nalishi bo‘yicha turizmning quyidagi turlarini ko‘rsatish mumkin: «Milliy», «Xalqaro», «Hududiy (mintaqaviy)», «Ichki», «Kiruvchi» va «Chiquvchi».