С. У. Меҳмонов, Д. Й. Убайдуллаев бюджет ташкилотларида бухгалтерия ҳисоби

ҲИСОБ РЕГИСТРЛАРИНИ ТАСНИФЛАНИШИ
1.5.1-расм. Ҳисоб регистрларини таснифланиши
Жорий йилда ҳисоб регистрларидаги бухгалтерия ёзувларида аниқланган хатолар қуйидаги тартибда тузатилади:

• 
  баланс топширгунга қадар шу ҳисобот даврида аниқланган, мемориал ордер маълумотларининг ўзгаришини талаб қилмайдиган хатолар ана шу хато ёзилган ёзув ёки матннинг устидан ингичка чизиқ билан ўчирилади (ўчирилган ёзувни ўқиш мумкин қилиб) ва унинг устига янги, тўғри матн (ёзув) ёки суммани ёзиб қўйиш йўли билан тузатилади. Бир вақтнинг ўзида тегишли қатор четидаги ҳошияга бош ҳисобчининг имзоси билан “Тузатилган” деб изоҳ берилади ва санаси кўрсатилади;
  
• 
  баланс топшириш вақтига қадар мемориал ордерга ўтиб кетган хато ёзув унинг характерига қараб қўшимча мемориал ордер билан ёки “Сторно” усулида тузилади;
  

Шартли мисол: 5-мемориал ордерда жорий ой учун ҳисобланган иш хақи 50 000,0 минг сўм бўлган ҳолда ушбу ёзув қуйидаги бухгалтерия
проводкаси билан нотўғри равишда 45 000.0 минг сўмга қуйидагича расмийлаштирилди.
Дебет 231 ва Кредит 173 45 000.0 минг сўм.
Мазкур хатолик нотўғри ёзув натижасида келиб чиққан фарқ суммага (5 000,0 минг сўмга) қўшимча проводка бериш орқали қуидагича тўғирланиши лозим.
Дебет 231 ва Кредит173 5 000,0 минг сўм.

• 
  баланс топширилган ҳисобот давридаги ҳисоб регистрлари ёзувларида аниқланган хатолар ҳам мазкур банднинг учинчи хатбошисида кўрсатилган усулда тузатилади. Хатони тузатишга доир қўшимча ёзувлар, шунингдек “Сторно” усули билан қилинадиган тузатишлар мазкур хато аниқланган ҳисобот даврида тузилган мемориал ордерлар билан расмийлаштирилади. Бу мемориал ордерлар одатдаги реквизитлардан ташқари, мазкур мемориал ордер билан тузатиладиган мемориал ордернинг рақами ва санасига ишора қилинади.
  

Ёки ҳисоб регистрларидаги хатоларни тўғирлашни схематик кўринишда қуйидагича келтиришимиз мумкин (1.5.2-расм)