С. У. Меҳмонов, Д. Й. Убайдуллаев бюджет ташкилотларида бухгалтерия ҳисоби

Такрорлаш учун саволлар

1. 
   Асосий воситалар қандай холатларда балансга кирим қилинади?
   
2. 
   Асосий воситаларни олди-сотди шартномаси бўйича балансга кирим қилиниши жараёнини ҳужжатлаштириш ва бухгалтерия ёзувларида акс эттириш тартибини айтиб беринг.
   
3. 
   Асосий воситаларни ташкилотни ўзи томонидан қуриш натижасида балансга кирим қилиниши жараёнини ҳужжатлаштириш ва бухгалтерия ёзувларида акс эттириш тартибини айтиб беринг.
   
4. 
   Асосий воситаларни беғараз келиб тушиши, товар-моддий захиралар таркибидан ўтказиш бўйича балансга кирим қилиниши жараёнини ҳужжатлаштириш ва бухгалтерия ёзувларида акс эттириш тартибини айтиб беринг.
   

4. 
   Асосий воситаларга эскириш ҳисоблаш ва уларнинг ҳисоби
   

Бюджет ташкилотлари асосий воситаларининг эскириши қонунчиликка мувофиқ бюджет ташкилотлар асосий воситаларининг йиллик эскириш меъёрларидан келиб чиққан ҳолда ҳар йили аниқланади ва ҳар ойда шу ташкилотларнинг бухгалтерия ҳисоби ва ҳисоботида акс эттирилади.

Бюджет ташкилотларида асосий воситаларга эскириш ҳисоблаш тартиби ва йиллик эскириш меъёрлари Ўзбекистон Республикаси Молия

вазирлиги, Иқтисодиёт вазирлиги ва Давлат архитектура ва қурилиш қўмитасининг (Давлат статистика қўмитаси билан келишилган) 2009 йил

30 сентябрдаги қўшма қарори билан тасдиқланган ва Адлия вазирлигидан 2009 йил 30 октябрда 2028-сон билан рўйхатга олинган “Бюджет ташкилотларининг асосий воситаларининг эскиришини аниқлаш ва бухгалтерия ҳисобида акс эттириш тартиби тўғрисидаги Низом”га мувофиқ амалга оширилади.
Мазкур Низомга мувофиқ бюджет ташкилотларининг асосий воситаларига йиллик эскириш меъёрлари (фоизларда) тасдиқланган.


Бюджет ташкилотлари асосий воситаларининг йиллик эскириш меъёрлари