С. Р. Мажидов қурилиш материаллари ва буюмларидан амалий машғулотларини ўтказиш учун масалалар тўплами

БИТУМЛИ ВА ҚАТРОНЛИ МАТЕРИАЛЛАРНИНГ ХОССАЛАРИНИ АНИҚЛАШ.
9 - АМАЛИЙ МАШҒУЛОТ


Умумий маълумотлар. Битумли ва қатронли боғловчилар бино ва иншоотлар қурилишида қадимдан ишлатиб келинган. Табиий битум ва қатронлар биноларнинг ер ости қисмини, ёғоч конструкцияларни гидроизоляция қилишда, бандаргоҳлар иншоотларини денгиз шўр сувларидан ҳимоялашда ва бошқа жойларда ишлатилган. Бундай боғловчилар ишлатилган жойлар Миср, Вавилон, Греция, Марказий Осиё қадимги шаҳарларида археологлар томонидан топилган. XIX аср ўрталаридан бошлаб нефт қазиб чиқариш ривожлангач, нефт битумлари олиш ва улар асосида турли қурилиш материаллари ишлаб чиқариш кенгайган.


Мустақил ечиш учун масалалар


1 – масала. Толни асосга ёпиштириш учун ишлатиладиган 2000 кг мастикага сарфланадиган материаллар миқдорини аниқланг.


2 – масала. Асбест ва трепел тўлдиргичларни дозировка миқдорларини аниқланг. Асбест миқдори масса бўйича 80%, унинг зичлиги 2,5 кг/л; трепел миқдори масса бўйича 20%, унинг зичлиги 2,3 кг/л. Тўлдиргич компонентлари аралашмасининг ўртача зичлиги 1,1 кг/л.


3 – масала. 2 тонна елимлаш битумли мастикаси МКБ – 75 учун сарфланадиган материаллар сарфини ҳисобланг. Битум БН – IV. Тўлдиргич 50% асбест ва 50% трепелдан иборат. Тўлдиргичлар аралашмасининг ўртача зичлиги 1,21 кг/л.

28

10-БЎЛИМ. ПОЛИМЕРЛИ МАТЕРИАЛЛАР ВА БУЮМЛАР.


ПОЛИМЕРЛИ МАТЕРИАЛЛАР ВА БУЮМЛАРНИНГ ХОССАЛАРИНИ АНИҚЛАШ.
10 - АМАЛИЙ МАШҒУЛОТ


Умумий маълумотлар. Пластмасса юқори молекулали бирикма –полимер боғловчилар, кукун тўлдиргич ва бошқа ташкил этувчилардан иборат, қотгач пластиклигини тўла ёки қисман йўқотадиган композицион материалдир. Юқори молекулали моддалар бир неча минглаб, ҳатто юз минглаб атомлардан иборат бўлиб, кўп марта такрорланадиган муайян структуралардан тузилган. Битта макромолекуладаги структура бирлиги сони полимернинг полимерланиш даражаси дейилади. Кам молекулали бирикмалар молекуляр массаси 500 кам бўлади.