С. Р. Мажидов қурилиш материаллари ва буюмларидан амалий машғулотларини ўтказиш учун масалалар тўплами

Мустақил ечиш учун масалалар


1 – масала. Литопон ва табиий олифдан тайёрланган бўёқ таркибида 40% олиф бор. Юзаси 200 см² бўлган шиша пластинали икки хил рангли асос билан бўяшга 5 г бўёқ сарф бўлди. Литопоннинг ёпувчанлиги аниқлансин.


2 – масала. Табиий олифдан тайёрланган қурумли бўёқ ёпувчанлиги аниқлансин. Юзаси 200 см² бўлган шиша пластинкани икки хил ранг билан ёпишга 0,5 г бўёқ сарф бўлди.


3 – масала. Лаборатория шароитида синалганда 5 г пигментни тўлалигича намлаш учун биринчи маротаба 0,35 мл, иккинчи маротаба 1,5 мл мой сарфланди. Титан белиласи ва қурум пигментларнинг мой талабчанлиги аниқлансин. Мойнинг зичлиги 0,93 г/см² га тенг.


4 – масала. Литопон ва табиий олифдан тайёрланган бўёқ таркибида 36% олиф бор. Юзаси 150 см² бўлган шиша пластинали икки хил рангли асос билан бўяшга 7 г бўёқ сарф бўлди. Литопоннинг ёпувчанлиги аниқлансин.


5 – масала. Табиий олифдан тайёрланган қурумли бўёқ ёпувчанлиги аниқлансин. Юзаси 2 м² бўлган шиша пластинкани икки хил ранг билан ёпишга
1,5 г бўёқ сарф бўлди.

34

12-БЎЛИМ. ЁҒОЧ ҚУРИЛИШ МАТЕРИАЛЛАРИ.


ЁҒОЧ ҚУРИЛИШ МАТЕРИАЛЛАРИ ВА БУЮМЛАРИНИНГ АСОСИЙ ХОССАЛАРИНИ АНИҚЛАШ.


12 - АМАЛИЙ МАШҒУЛОТ


Умумий маълумотлар. Ёғоч энг қадимги қурилиш материали бўлиб, ер шарида нотекис тарқалган. Ўрмон қайта тиклангани учун ёғоч битмас-туганмас қурилиш материаллари ва буюмлари захирасидир.

Ёғоч тайёрланадиган ўрмонлар Россия, Хитой, Украина, Кавказ, Қозоғистон каби мамлакатларда кўплаб учрайди.

Ёғоч юқори мустащкамлик, қайишқоқлик, иссиқлик изоляцияловчи, сув ва органик эритувчиларга чидамлилик хусусиятларига эга. Ёғоч осон қайта ишланади, елимлаш, мих қоқиш мумкин. Аммо толасимон тузилиши туфайли хоссаларининг турлилиги, намликдан деформацияланиши, ёнувчанлиги, чириши кабилар ёғочнинг камчилигидир. Қурилишда ёғоч хари, тахта, шпал, брус, холларида ишлатилади. Ёғочни қайта ишлаганда щосил бўлган пайраха ва қипиқдан фибролит, арболит, ёғоч толали ва ёғоч пайрахали плиталар тайёрлаш мумкин.