С.Қ. Махмудов

Кассир чиқим ҳужжати (пул чеки, касса ордери ва бошқалар)ни 
олганидан сўнг қуйидагиларни бажариши шарт: 
а) пул олувчини чиқим ҳужжатининг рақами бўйича чақириши; 
б) кассага тақдим этилувчи назорат маркаси ѐки йиртма талоннинг 
рақамини чиқим ҳужжатидаги рақам билан таққослаши ва назорат маркасини 
ѐки йиртма талонни тегишли чек ѐки ордерга ѐпиштириб қўйиши;
в) банкнинг пул беришни ҳал этиш ҳуқуқига эга бўлган мансабдор 
шахсларининг имзолари борлигини ва ушбу имзолар мавжуд намуналар 
билан бир хиллигини текшириши; 
г) ҳужжатда рақам ва сўз билан ѐзилган суммалар ўзаро мос келишини 
текшириши; 
д) ҳужжатда пул олувчининг шахсий имзоси борлигини ва банк масъул 
ходимларининг имзоси қўйилганлгини текшириши; 
е) пул олувчининг шахсини тасдиқловчи паспорт ѐки гувоҳномаси 
(гувоҳнома фақат Мудофаа вазирлиги, Ички Ишлар вазирлиги, Миллий 
хавфсизлик хизмати ва Фавқулодда вазиятлар вазирлиги томонидан ўз 
хизматчиларига берилган бўлса) борлигини текшириши; 

---

239 
ж) мижознинг шахсини тасдиқловчи паспорт ѐки гувоҳномасидаги 
маълумотларни чекдаги маълумотлар билан солиштириши; 
з) ҳужжатда кўрсатилган пул суммасини тайѐрлайди, пул олувчидан у 
қанча пул олаѐтганлигини сўрайди, тайѐрланган пул суммасини яна бир бор 
чиқим ҳужжатлари билан таққослаб, уни пул олувчига берганидан сўнг, 
чиқим ҳужжатларига имзо қўйиши лозим. 
Кассирнинг столи устида беришга тайѐрлаб қўйилган пулдан ташқари 
бошқа ҳеч қандай пул бўлмаслиги керак. 
Кассирлар мижозларга пул бераѐтган вақтда, уларнинг талабига биноан, 
бир қийматдаги пулларни бошқа қийматдаги пулларга алмаштириб бериш 
тақиқланади. 
Банк кассасидан берилган пулни олган шахс, касса ѐнидан кетмай туриб 
олинган умумий суммани ҳужжатда кўрсатилган сумма билан таққослаши, 
уни боғламлар ва дасталар бўйича текшириши, даста тўлмаган алоҳида 
пулларни эса шу пулни берган кассирнинг кузатуви остида бирма-бир қайта 
санаб кўриш орқали қабул қилиб олиши лозим. 
32-расм