С.Қ. Махмудов

11.3.Чет эл валютасида валюта операцияларини амалга ошириш 
тартиби. 
Республикада чет эл валютасида валюта операцияларини амалга 
ошириш тартиби Адлия вазирлигида 2003 йил 3 июлда 1253-сон билан 
рўйхатга олинган ―Ўзбекистон Республикаси Марказий банки томонидан 
жисмоний шахслар - резидентларга нақд хорижий валюта мамлакат 
ҳудудидан ташқарига олиб чиқишга рухсатномалар бериш тартиби 
тўғрисида‖ги Низомга асосан амалга оширилади. Низомга кўра Ўзбекистон 
Республикаси Марказий банки томонидан резидент жисмоний шахсларга 
5000 АҚШ долларига тенг миқдордан ошувчи нақд хорижий валютани 
республика ҳудудидан ташқарига олиб чиқишга рухсатномалар бериш 
тартибини белгилайди.
Марказий банкнинг 5000 АҚШ долларига тенг миқдордан ошувчи 
нақд хорижий валюта республика ҳудудидан ташқарига олиб чиқишга 
рухсатномасини олиш ҳуқуқига: 

---

343 
а) Ўзбекистон Республикаси ҳукуматининг қарорларига биноан; 
б) хорижий давлатларга доимий яшаш жойига; 
в) хизмат сафарига; 
г) таълим олиш ва даволанишга; 
д) сайѐҳлик сафарларига ва ҳоказоларга борадиган жисмоний шахслар - 
Ўзбекистон Республикаси резидентлари эгадир.
Жисмоний шахслар рухсатнома олиш учун Марказий банкка 
қуйидаги ҳужжатларни тақдим этадилар: 
а) ариза, унда: 
- жисмоний шахснинг фамилияси, исми-шарифи; 
- жисмоний шахс яшайдиган манзил; 
- нақд хорижий валюта олиб чиқилаѐтган сумма;
- хорижга чиқишдан мақсад; 
- хорижда нақд хорижий валюта ишлатишдан мақсад;
- жўнаб кетиш ва келиш санаси кўрсатилади; 
б) паспорт ва паспорт варақлари нусхаси, уларда қуйидагилар 
кўрсатилади: 
- паспорт серияси, рақами ва берилган санаси; 
- паспорт берган орган; 
- республика ҳудудидан чиқиш ҳуқуқи тўғрисида Виза ва рухсатномалар 
бўлимининг белгиси (агар талаб қилинса); 
- хорижий давлатнинг келиш визаси (агар виза режими белгиланган 
бўлса); 
- республика ҳудудида қайд этилганлиги тўғрисида белги; 

---

344 
в) нақд хорижий валюта қонуний тарзда харид қилинганлигини 
тасдиқлайдиган ҳужжатлар (нақд сўмларни алмаштириш тўғрисида пул 
алмаштириш 
пунктининг 
маълумотномаси, 
ваколатли 
банкнинг 
ҳисобварақлар ва омонатлардаги хорижий валюта олинганлиги тўғрисидаги 
маълумотномаси ва бошқа тасдиқлаш ҳужжатлари);
г) хизмат сафарига юборилаѐтган шахслар учун - хорижга хизмат 
сафарига юбориш тўғрисида буйруқларнинг, таклиф этаѐтган тараф 
хатларининг нусхалари; 
д) ҳукумат делегациялари таркибида бораѐтган шахслар учун - 
Ўзбекистон Республикаси Вазирлар Маҳкамаси фармойишининг нусхаси; 
е) хорижга чиқиш мақсадини тасдиқлайдиган бошқа ҳужжатлар.