С.Қ. Махмудов

Ваколатли банклар томонидан экспорт операциялари бўйича хорижий 
валютада факторинг хизматлари кўрсатилиши 
Экспорт маҳсулотлари бўйича факторинг хизматларини ваколатли 
банклар хорижий валютада талаб қилиб олингунгача депозит ҳисобварағи 
бўлган, фақат ўзлари хизмат кўрсатадиган корхона ва ташкилотларга 
кўрсатадилар.
Улар томонидан факторинг хизматлари кўрсатилиши чоғида банк 
даромадлари деганда хорижий валютада тўлов ҳужжатининг номинал 
қиймати билан унинг шартномага мувофиқ банкка берилиш суммаси 
ўртасидаги фарқ бўлган дисконт тушунилади. 
Етказиб берувчи тегишли хорижий шерик билан тузган, илгари ҳисобга 
қўйилган экспорт контрактлари бўйича етказиб берувчи корхонада муддати 
ўтган дебиторлик қарзининг йўқлиги экспорт операциялари бўйича 
факторинг хизматлари кўрсатилишининг мажбурий шарти ҳисобланади. 
Ваколатли банклар фақат белгиланган тартибда ўзлари ҳисобга қабул 
қилган экспорт контрактлари бўйича ва хорижий корреспондент банкларнинг 
банк кафолатлари олинган ѐки мазкур контрактлар бўйича очиқ чақириб 
олинмайдиган аккредитивлар суммасидан ошмайдиган суммада факторинг 
хизматларини кўрсатади. 
Ваколатли банк экспорт контрактлари бўйича факторинг операциясини 
ўтказиш чоғида мижознинг талаб қилиб олингунгача транзит депозит 
ҳисобварағига маблағларни, шартномада кўрсатилган дисконт суммасини 
чегирган ҳолда, етказиб берувчи томонидан бериладиган талаблар суммасида 

---

298 
эркин алмаштириладиган валютада ўтказади. Мижознинг транзит 
ҳисобварағига ҳисоблаб ѐзилган валюта маблағларидан мажбурий сотишни 
мижоз тўлиқ ҳажмда, дисконт суммасини чегирмасдан амалга оширади. 
Пул талаби ҳуқуқини бериш тўғрисидаги шартнома имзоланганидан 
кейин мижоз бу хусусда хорижий контрагент ва унинг кафили 
(кафолатчиси)ни хабардор қилиши ва ушбу тўлов ҳужжатлари бўйича 
тўловни амалга ошириш учун уларга банк - молиявий агентнинг банк 
реквизитларини маълум этиши шарт. 
Агар тўлаш шакли сифатида аккредитив қабул қилинса, бу ҳолда мижоз 
банк - молиявий агент фойдасига аккредитивни қайта расмийлаштириш 
амалини ўз вақтида амалга ошириши, сўнгра банкни қайта расмийлаштириш 
ҳолатидан хабардор қилиши шарт.