С. Газиназарова. И. Ахмедов. Б. Мухамедгалиев. А. Хожиев

Атмосфера ифлосланишининг иқтисодий зарарлари.
Атмосферанинг 
ифлосланиши турар жой ва коммунал хўжаликка, қишлоқ ва ўрмон хўжалигига 
саноатга, тарихий-табиий ёдгорликларга ҳам таъсир этади. Натижада, халқ 
хўжалигига катта зарар етказади. АҚШда ҳавонинг ифлосланиши натижасида 
жон бошига ўрта ҳисобда йилига 65 долл. зарар тўғри келади. Атмосфера 
ифлосланишининг келтирган зарарларини қуйидагича бўлиши мумкин: 
Атмосферанинг ифлосланиши туфайли материалларнинг емирилиши ва 
коррозияга учраши. Бунда атмосферадаги чанг, қурум, қаттиқ заррачалар ва 
баъзи газларнинг таъсирида бинолар, иншоотлар, металлар емирилади, кийим-
кечак ва газмолларнинг бўёқлари бузилади, қадимий-тарихий ёдгорликлар 
нурайди. Маълумотларга қараганда саноат ривожланган, атмосфераси ифлос 
катта шаҳарларда темир коррозиясининг тезлиги кичик шаҳарлардагига 

---

31 
нисбатан 3 баробар, қишлоқ жойдагиларга нисбатан 20 баробар, алюминийда 
эса 100 баробар тез боради, қадимий архитектура ёдгорликлари, жумладан, 
Ўзбекистондаги қадимий обидалар, мармар ва бронзадан ишланган 
монументлар тез емирилади. Атмосферанинг ифлосланиши, шунингдек, 
машина рангларини, газмоллар, кийим-кечак, тери материалларини ва 
умуман шаҳардаги турли хил объектлар ранглариқи тез ўзгартириб 
юборади. Атмосферанинг ифлосланишини олдини олишнинг энг қадимий 
йўли - бу завод-фабрикалардан тутун чиқарувчи трубаларни баландроқ 
қуришдир. Тутун чиқарувчи трубалар қанча баланд бўлса, захарли чанглар ва 
газлар шунча кенг майдонга ёйилиб, унинг ер усти концентрацияси камаяди. 
Масалан, баландлиги 100 м бўлган трубадан чиқаётган чанг ва газлар радиуси 
20 км бўлган территорияга тарқалса, баландлиги 250 м бўлган трубаданчиққан 
чанг, газлар радиуси 75 км территорияга тарқалади. Лекин бу усулда ҳаводаги 
чанг, газлар миқдори камаймайди, фақат кенг территорияга тарқалади.