С а д р и д д и н а й н и й э с к и м а к т а б

гинга:
— Худо хоҳласа, яқинда тўйимиз бўлади, келиб хабар олиб
тур,— деди.
Сангин:
— Худо ўша кунга еткизса, биздан тўй ейишни кўр,— деб
кулди ва хўшлашиб ҳар бирлари ўз қишлоқлари сари кетдилар.
XIII
КЎРИШИШ
Одина Арбоб Камолдан қўрқувда эди. Шунинг учун кундузи
қишлоққа киришни мувофиқ кўрмай, эшагини ўтлоққа қўйиб юбо-
риб, ўзи кун ботгунча сой бўйида ётмоқчи бўлди. Кун ботишга
уч соат чамаси вақт қолган эди, лекин бу уч соатли интизорлик
Одинага уч йиллик айрилиқдан оғирроқ сезилар эди. Биров кўриб
қолмасин деб харсанг панасига пусиб ётган Одина икки кўзини
офтобдан узмас эди.
Ҳар кун чиқиши билан Одинани бошидан кеча қайгуларини
бир оз бартараф қиладиган ва ботиши ғам-ғуссалар туғувига
сабаб бўладиган букун унга тескари таъсир берар эди. Букун
Одина офтобни ёмон кўрмакда ва унинг тезроқ ботйшини жони
дилдан истамакда эди. Лекин офтоб букун тезроқ ҳаракатланмас ва
Одинани чулғаб олганларга сира парво қилмас эди.
Оқибат аста-секин бўлса ҳам офтоб тоғ ортига ботди. Лекин
унинғ шуъласи ҳали ҳам қаршидаги тоғ чўққисига сочилиб
турмоқда эди, бу сочилиш офтобнинг кундалик сочилишига ўхша-
мас, балки мозористонда ёқилган чироқнинг пилпиллашидек қайғу
сочмоқда эди.
Одинанинг хушбахтлик куни туғди, кўзи ойдинлашди. Чунки
офтоб кейинги пилпиллашини ҳам тоғ бошидан кўтариб ботган ва
дунёни қоронғилик пардаси қоплаган эди.
40
www.ziyouz.com kutubxonasi

---

Дуруст, бу кечанинг Одина учун хушбахтлик куними ёки бад-
бахтлик кечасими эканлиги ҳали белгили эмас эди. Лекин шундай
бўлса ҳам, келажакнинг ёмон ёки яхшилигини белгилаши бу жон