Russ nashriyotiga so‘z boshi

Hatolardan o‘rganishning ahamiyati katta  

  

Biznes  olamida  omadsizlik  kutilgan  bag‘ishlov  marosimi  kabi  bo‘lib  qoldi. 

Juda ko‘p eshitasiz, nima emish, biznesning o‘ntadan to‘qqiztasi barbod bo‘layapti. 

Nima  emish,  sizning  biznesingizning  imkoniyati  noaniqlikdan  nolgacha  oraliqda 

chayqalib turibdi. Nima emish, omadsizlik xarakterni toblaydi. Aslida sizga: “iloji 

boricha  oldinroq  to‘xatishni,  tez-tez  to‘xtatishni”  maslahat  berishadi.  Havoda 

shunchalar ko‘p omadsizlik flyuidlari (“psixik toklar”) bor ekan, siz ulardan nafas 

olib tavakkalga qo‘l urasiz. Bunday qilmang. Statistika sizni ahmoq qilishiga yo‘l 

qo‘ymang. Boshqalarning omadsizligi - shunchaki boshqalarning omadsizligi bo‘lib 

qoladi, boshqa hech nasa emas.   

Agar  boshqa  odamlar  o‘z  mahsulotlarini  sota  olishmasa  –  buning  sizga  hech 

qanday  aloqasi  yo‘q.  Agar  boshqalar  o‘z  guruhini  tuza  olishmasa  –  buning  sizga 

hech  qanday  aloqasi  yo‘q.  Agar  boshqalar  o‘z  xizmatlarining  narxini  aniqlay 

olishmasa  –  buning  sizga  hech  qanday  tegishli  joyi  yo‘q.  Agar  boshqalar 

sarflaganlaridan ko‘ra ko‘proq daromad ola olishmasa... Qisqasi, siz tushundingiz.   

Yana  bir  ko‘p  uchraydigan  xato  fikr:  go‘yo  siz  o‘z  xatolaringizdan  saboq 

olishingiz  kerak  emish.  Siz  haqiqatdan  ham  nimani  qilish  kerak  emasligini 

o‘rganishingiz  mumkin,  lekin  o‘ylab  ko‘ringchi  bu  qanchalik  muhim,  agar  siz 

avvalgidek nimani qilish kerakligini bilmay tursangiz?   

“Xatolardan  saboq  olish”  jarayonini  o‘z  yutuqlaringizdan  o‘rganish  bilan 

taqqoslab ko‘ring. Muvaffaqqiyat sizga haqiqiy “jang zahirasi”ni beradi. Qachondir 

qaysidir  ishingiz  samarali  amalga  oshsa,  siz  uni  keyinchalik  yana  takrorlashingiz 

mumkin. Va keyingi safar siz uni yanada yaxshiroq amalga oshirasiz.   

Omadsizlik  muvaffaqqiyatning  birinchi  sharti  emas.  Garvard  biznes  maktabi 

xodimlari tadqiqot olib borib, shuni ko‘rsatib berishdiki, muvaffaqqiyatga erishgan 

tadbirkorlar  yangi  loyihada  ko‘proq  ehtimol  bilan  g‘alaba  qozonishadi  (ularning 

yangi kompaniyani yaratishda muvaffaqqiyatga erishish imkoniyatlari 34% tashkil 

etadi). Oldingi ishida omadsizlikka uchragan tadbirkorlarning imkoniyati esa, endi 

o‘zining  birinchi  biznesini  boshlayotgan  kishilar  bilan  bir  xilda,  faqatgina  23%ni 

tashkil  etdi.  Oldin  muvaffaqqiyatsizlikni  boshdan  kechirgan  tadbirkorlarning 

muvaffaqqiyatga  erishishi  imkoni,  endi  hali  hech  narsani  sinab  ko‘rmagan 

odamlarning imkoniyati bilan bir xil bo‘lar ekan. Muvaffaqqiyat – bu tajriba va u 

katta ahamiyatga ega.   

Bu  xulosa  o‘quvchilar  uchun  kutilmagan  yangilik  emas,  chunki  tabiatning 

qonuni  mana  shunday  ishlaydi.  Tabiat  va  jamiyatning  rivojlanishi  oldingi 

omadsizliklarni takrorlamaydi, u har doim muvaffaqqiyatlisiga asoslanib rivojlanib 

boradi. Siz ham xuddi shunday yo‘l tuting.  

---