Russ nashriyotiga so‘z boshi

Vaqtning yo‘qligi bu bahona   

  

“Bunga mening vaqtim yo‘q” – bu odamlar ishlatadigan eng ko‘p bahonalardan 

biridir.    Ular  bajonidil  yangi  kompaniya  tuzishlari,  yangi  asbobni  o‘rganishlari, 

kashfiyotini  sotishlari,  kitob  yozishlari  yoki  yana  shunga  o‘xshash  bir  qancha 

ishlarni  qilishlari  mumkinligini,  lekin  buning  uchun  bir  sutkadagi  soatlar  ularga 

yetmayotganligini bahona qilishadi.   

Bas qiling. Agar siz vaqtingizni to‘g‘ri sarflasangiz, u har doim yetarli bo‘ladi. 

Va buning uchun o‘zingizning doimiy ishingizdan ketishingiz kerak deb o‘ylmang. 

O‘z loyihangiz ustida kechki vaqtlarda ishlashni boshlang.   

Televizor  ko‘rish  yoki  World  of  Warcraftda  o‘ynashning  o‘rniga  o‘z 

g‘oyalaringiz  ustida  ishlang.  Kechqurun  soat  10  da  uxlashning  o‘rniga  11  da 

uxlashga yoting. Bu yerda gap kechalari uxlamay ishlash yoki kuniga 16 soat ishlash 

haqida  ketmayapti,  bor  yo‘g‘i  haftasiga  bir  necha  soat  qo‘shimcha  vaqtingizni 

ajratsangiz kifoya. Ishingizni to‘xtab turgan nuqtasidan siljitish uchun shuning o‘zi 

yetarli bo‘ladi.   

Siz  shu  ishni  qilganingizdagina  sizning  bu  qiziqishingiz  va  ilhomlanishingiz 

haqiqiymi  yoki  o‘tkinchi  bir  holatmi  shuni  tushunib  olasiz.  Agar  kutish  o‘zini 

oqlamasa,  siz  shunchaki  har  kuni  oldingidek  o‘z  ishingizga  borishni  va  doimiy 

ishingiz  bilan  shug‘ullanishni  davom  ettiraverasiz.  Siz  hech  qanday  havfli 

tavakkalga  qo‘l  urmaysiz  va  bir  ozgina  vaqtingizdan  tashqari  hech  narsa 

yo‘qotmaysiz, demak hech narsa haqida afsuslanmasa ham bo‘ladi.   

Agar  siz  biror  narsani  haqiqatdan  ham  qilishni  xohlasangiz,  siz  boshqa 

majburiyatlaringizga  qaramasdan,  bunga  albatta  vaqt  topasiz.  Haqiqat  shundaki, 

ko‘pchilik odamlar butun vujudini qamrab olgan bu xohishni sezishmaydi. Shuning 

uchun  ular  buni  vaqtining  yo‘qligi  bilan  oqlab  qo‘ya  qolishadi.  O‘zingizni  bu 

oqlashlar qarmog‘iga tushib qolishingizga yo‘l qo‘ymang. O‘z maqsadingizga yetish 

va orzularingizning amalga oshishi ma’suliyati butunlay o‘zingizga bog‘liq.   

Bundan tashqari, eng qulay vaqt hech qachon kelmaydi. Siz har doim, yo juda 

yosh  bo‘lasiz,  yoki  juda  qari,  yoki  juda  band,  yoki  juda  toliqqan,  yoki  yana  biror 

narsa.  

Agar  siz  doimo  eng  qulay  vaqtni  tanlash  borasida  tashvish  qilsangiz,  u  vaqt 

hech qachon kelmaydi.