«РУҲият оламида» Тўгарагини ташкил этиш бўйича тавсиялар

Мақсад: бу машқ иштирокчиларнинг бир бири билан танишувини ташкил этиш билан бирга уларнинг кайфиятини кўтаради
Кўрсатма: Ҳозир сизларга гуруҳ аъзоларининг исмлари ёзилган карточкалар тарқатилади. Сиз ўша инсонни бизларга кўрсатиб берасиз. Гуруҳ аъзолари эса унинг ким эканлигини топиши лозим. Топишга қийналган пайтларда «Ўхшатиб бераётган» иштирокчига саволлар билан мурожаат этиш мумкин.
Тренинг иштирокчиларига карточкалар тарқатилади, ўз фикрларини ўйлаб олишга 3 дақиқа вақт берилади. Сўнг жараён бевосита бошланади ва унинг ниҳоясида муҳокамага ўтилади

2. 
   Кутувларни аниқлаш
   

Кўрсатма: ҳозир ҳамма ўзининг фикрини билдиради, узоқ ўйланиб ўтириш шарт эмас. Гапни « Агар тренинг машғулоти. . .ўтса, мен жудаям жудаям хурсанд бўлардим»


II. Асосий қисм.

1. 
   «Баҳс − мунозара. Идеалдаги гуруҳ, ундаги ўрнимиз»
   

Мақсад: Иштирокчиларнинг гуруҳ ҳақидаги тасаввурлари кенгайтирилиб, уларнинг гуруҳда қандай ўринга эга эканлигини аниқлаш
Кўрсатма: қуйида мазмунан бир − бирига қарама − қарши бўлган 10 жуфт сўз берилган. Сиз гуруҳнинг психологик муҳитини ҳисобга олган ҳолда у қарама−қаршиликларнинг қайси бирига яқинлигини белгиланг.
Намуна:
Меҳрибонлик 1 2 3 4 5 6 7 8 Адоват
Иноқлик 1 2 3 4 5 6 7 8 Қаршилик
Қаноатланиш 1 2 3 4 5 6 7 8 Қониқмаслик
Маҳсулдорлик1 2 3 4 5 6 7 8 Самарасизлик
Илиқлик 1 2 3 4 5 6 7 8 Совуқлик (мунсабатлардаги совуққонлик)
Ҳамкорлик 1 2 3 4 5 6 7 8 Келишмовчилик
Ўзаро қўллаб−қувватлаш 1 2 3 4 5 6 7 8 Эътиборсизлик
Қизиқиш 1 2 3 4 5 6 7 8 Бефарқлик
Бандлик 1 2 3 4 5 6 7 8 Зерикиш
Муваффақият 1 2 3 4 5 6 7 8 Омадсизлик


Жамоа дейилганда умумий мақсад сари интилган ва биргаликдаги фаолият учун жипслашган гуруҳ тушунилади. Унинг умумий асослари қуйидагилардан иборат: талаблар қўйиш, фаолларни тарбиялаш, ўқув, меҳнат, ижтимоий−сиёсий ва оммавий маданий фаолиятдаги истиқболларни ташкил этиш, соғлом жамоатчилик фикрини шакллантириш, ижобий анъаналарни яратиш ва кучайтириш.
Жамоада бир−бирига ғамхўрлик қилиш, ўзаро ёрдам, фақат ўзи ҳақида эмас, балки бошқалар ҳақида ҳам ўйлашга интилиш, жамоа манфаатини ўз қизиқишидан устун қўйиш кўникмалари ҳосил бўлади. Жамоада ўртоқлик ва дўстлик ҳисси таркиб топади. Ўқувчилар жамоасини тузаётиб, тарбиялаётиб мактаб ўқитувчилари унинг ҳар бир аъзосининг шахсини шакллантиради. Жамоадаги ўқувчиларнинг ўзаро муносабатини ўзаро жавобгарликни ҳис этиш, топшириқларни бажаришда барча аъзоларнинг тенглиги билан ажраб туради, чунки унда инсонлар ўзаро яқин муомалада бўладилар, ҳамма вақт биргаликда ҳаракат қиладилар, бутун жамоа қўйган мақсадни ҳал этишда қатнашадилар.
Муҳокама: Гуруҳ деганда нимани тушунасиз? Бизнинг гуруҳни янги тараққиёт босқичига олиб чиқиш учун нималар қилиш лозим деб ўйлайсиз? Сизнинг гуруҳдаги ўрнингиз қандай?

2. 
   «Уй» машғулоти.