Rta maxsus ta’lim vazirligi guliston davlat universiteti

Tomchi reaksiyasini o'tkazish uchun filtr qog'oziga bir tomchi fenolftalein eritmasi, bir tomchi neytral muhitdagi tekshiriladigan eritma va bir tomchi ammiak tomizing. Qo'shilgan ammiak va hosil bo'lgan magniy gidroksid muhitni ishqoriy qiladi, bu muhitda fenolftalein qizarib, dog` hosil bo'ladi. Tekshirilayotgan eritmada magniy borligiga ishonch hosil qilishingiz uchun filtr qog'ozini gorelkadan yuqoriroq tuting, quritilganda dog' yo'qoladi. Agar quruq filtr qog'ozini distillangan suv bilan ho'llaganingizda qizil dog' yana paydo bo'lsa, bu magniy gidroksid hosil bo'lganligini ko'rsatadi.
2. Eruvchan karbonatlar magniy ioni bilan oq rangli amorf magniy gidroksikarbonat cho'kmasini hosil qiladi:
2MgCl₂ + 2Na₂CO₃ + H₂O →(MgOH)₂CO₃↓ + 4NaCl + CO₂↑
2Mg²⁺ + 2CO₃^2- + H₂O→ (MgOH)₂CO₃↓ + CO₂↑
Cho'kma kislotalar va ammoniy tuzlari eritmalarida eriydi.
(MgOH)₂CO₃ + 4NH₄C1 + HOH → 2Mg²⁺ + 4NH₄OH + CO₂↑
Shu bois ammoniy tuzlari ishtirokida magniyni cho'ktirish to'la bo'lmaydi, binobarin, magniyni to'la cho'ktirish uchun ammoniy ionini eritmadan yo'qotishingiz kerak. Buning uchun ishqoriy muhitda qizdirishdan foydalanishingiz mumkin (qaysi ishqorni qo'shganligingizni esda tuting). Ammoniy karbonat Mg²⁺ ionini asosli tuz ko'rinishida to'la cho'ktirmaydi. Bu xossadan foydalanib, ortiqcha miqdor ammoniy tuzlari ishtirokida magniy ionini ikkinchi guruh kationlaridan ajrating. Ikkinchi guruh kationlarini ajratishda magniy ioni eritmaga o'tib, birinchi guruh kationlari bilan birga eritmada qolgani uchun magniy kationi birinchi guruhga kiritiladi. Magniy ionini cho'ktirishga litiy ioni xalaqit beradi, biroq magniy ionini ammoniy xlorid ishtirokida ammoniy karbonat ta'siri bilan cho'ktirsangiz, litiy xalaqit bermaydi.
Reaksiyani bajarish uchun probirkadagi magniy tuzining 2-3 tomchisiga shuncha natriy karbonat eritmasi quying va qaynaguncha qizdiring.