Rta maxsus ta’lim vazirligi guliston davlat universiteti

o’ZBEKISTON RESPUBLIKASI OLIY VA o’RTA
MAXSUS TA’LIM VAZIRLIGI
GULIsTON DAVLAT UNIVERSITETI
KIMYO KAFEDRASI




ANALITIK KIMYO
fanidan tayyorlangan


O’QUV USLUBIY MAJMUA

Bilim sohasi:	100 000 – Gumanitar soha
Ta’lim sohasi:	140000 – Tabiiy fanlar
Ta’lim yo’nalish:	5140500– Kimyo

guliston 2017

Mazkur o’quv-uslubiy majmua Oliy va o’rta maxsus ta’lim vazirligining 2016 yil 08-avgustdagi 335-sonli buyrug’ibilan tasdiqlangan fan o’quv dasturi asosida tayyorlandi.

Tuzuvchi: O’.Q.Abduraxmonova, GulDU k.f.n., dotsent
Taqrizchi: N.T.Turabov, O’zMU k.f.n., dotsent
O’quv-uslubiy majmua Guliston davlat universiteti Ilmiy kengashi tomonidan ( 6- bayonnoma “28” “12” 2017 yil) ko’rib chiqilgan va o’quv jarayonida qo’llashga tavsiya etilgan.

MUNDARIJA
Kirish……………………………………………………………………………………..	4
Nazariy materiallar (ma`ruzalar kursi) ….…………………………………………………	6
Laboratoriya ishlarini bajarish bo`yicha uslubiy ko`rsatmalar……………………………..	55
Mustaqil ta`lim bo`yicha materiallar………………………………………………………..	179
Glossariy…………………………………………………………………………………….	180
Ilovalar:	191
Fan dasturi…………………………………………………………………………………..	192
Ishchi fan dasturi……………………………………………………………………………	211
Test savollari…………………………………………………………………………………	226
Ingliz va rus tilidagi xorijiy o`quv materiallari (elektron shaklda)………………………….	227
Taqdimotlar va multimediya vositalari (elektron shaklda)…………………………………..	227
Qo’shimcha didaktik materiallar……………………………………………………………..	228

KIRISH
Ushbu o’quv uslubiy majmua 5140500-Kimyo mutaxassisligi bo’yicha tahsil olayotgan talabalar uchun mo’ljallangan bo’lib, unda analitik kimyoning nazariy asoslari qonun va tushunchalari bo’yicha tayyorlangan qisqacha ma’ruzalar kursini, amaliy mashg’ulotlari, laboratoriyamashg’ulotlaribo’yichako’rsatmalarva mustaqil ishlarini bajarish tartiblarini o’z ichiga olgan o’quv-metodik majmua yaratishga harakat qildi.
O’quv uslubiy majmuada keltirilgan ta’lim texnologiyalarining har biri o’zida o’quv mashg’ulotini o’tkazish shart-sharoiti to’g’risida axborot materiallarini, pedagogik maqsad, vazifa va ko’zlangan natijalarni, o’quv mashg’ulotning rejasi, o’qitishning usul va vositalarini mujassamlashtirgan. Shuningdek, bu o’quv mashg’ulotining texnologik kartasini, ya’ni o’qituvchi va o’quvchining mazkur o’quv mashg’ulotida erishadigan maqsadi bo’yicha hamkorlikdagi faoliyatning bosqichma-bosqich ta’riflanishini ham o’z ichiga oladi. O’quv uslubiy majmua tarkibi kirish, ta’lim texnologiyasining kontseptual asoslari, har bir mavzu bo’yicha ma’ruza va seminar mashg’ulotlarida o’qitish texnologiyasidan iborat. Ma’lumotlar maksimal darajada umumlashtirilgan va tartibga solingan. Ularni o’zlashtirish va yodda saqlab qolishni kuchaytirish uchun jadval va chizmalardan foydalanilgan.
O’quv uslubiy majmuaning kontseptual asoslari qismida dastlab «Analitik kimyo» fanining dolzarbligi va ahamiyati, mazkur o’quv fanining tarkibiy tuzilishi, o’qitishning usul va vositalarini tanlashda tayanilgan kontseptual fikrlar, kommunikatsiyalar, axborotlar berilib, so’ngra loyihalashtirilgan, o’qitish texnologiyalari taqdim qilingan.
Laboratoriya mashg’ulotlarida muammoli seminar, bilimlarni kengaytirish va chuqurlashtirishga yo’naltirilgan seminar, ishbilarmonlik o’yinlariga asoslangan, aniq holatlarning echimi bo’yicha seminar o’tish texnologiyalari mavjud va h.k.
Hozirgi kunda jahon tajribasidan ko’rinib turibdiki, ta’lim jarayoniga o’qitishning yangi, zamonaviy usul va vositlari kirib kelmoqda va samarali foydalanilmoqda. Jumladan, Guliston davlat universitetida innovatsion va zamonaviy pedagogik g’oyalar amalga oshirilmoqda: o’qituvchi bilim olishning yagona manbai bo’lib qolishi kerak emas, balki talabalar mustaqil ishlash jarayonining tashkilotchisi, maslahatchisi, o’quv jarayonining menejeri bo’lishi lozim. Ta’lim texnologiyasini ishlab chiqish asosida aynan shu g’oyalar yotadi.