Рта махсус таълим вазирлиги Ўзбекистон республикаси

Асаларичиликни ташкил қилиш ва ривожлантириш бўйича НАМУНАВИЙ БИЗНЕС РЕЖА

Лойиҳанинг асосий мақсади
Мазкур бизнес-режа аҳоли ва тадбиркорлик субъектлари томонидан асаларичиликни ташкил қилиш, асалари оилалари ва зарурий анжомлар сотиб олиш, фаолият доирасини янада ривожлантириш юзасидан тузилган.
Лойиҳани амалга оширишдан кўзланган асосий мақсад, банк кредити иштирокида асаларичиликни ривожлантириш, асал ва асал маҳсулотларини ишлаб чиқариш, шунингдек тайёр маҳсулотни ички бозорга сотиш орқали фойда олишдан иборат.
Амалдаги меъёрий ҳужжатлар талабларига асосан шахсий ёрдамчи хўжаликлар ва кичик бизнес субъектларига 15 000 000 (ўн беш миллион) сўмгача бўлган миқдорда микрокредитлар ажратилиши мумкин.
Лойиҳа бўйича барча ҳисоб-китоблар хонадон шароитида банк кредити ҳисобига дастлаб 10 та асалари оиласини сотиб олиш ва тадбиркорлик фаолиятини ривожлантириш истиқбол-ларидан келиб чиқиб амалга оширилган.
Лойиҳа тавсифи ва молиявий манбаси
Банк кредити ҳисобига асаларичилик хўжаликлари ёки махсус агрофирмалардан 10 та асалари оиласи, асалари қутиси ва зарурий анжомлар сотиб олинади.
Асалариларни йилнинг баҳор-куз фаслларида парвариш қилиб, ҳар бир оила асаларидан йилига 20 кг дан асал олинади.
Ҳисоб-китобларга кўра, 1 дона асалари оиласини шакллантириш учун ўртача 600 000 (олти юз минг) сўм, жумладан:

• 
  асалари оиласи ва қутиси сотиб олиш учун 350 000 сўм;
  
• 
  зарурий инвентар ва жиҳозлар сотиб олиш учун 188 000 сўм;
  
• 
  хом-ашё, зарурий материаллар ва дори воситалари сотиб олиш учун 62 000 сўм маблағ зарур бўлади.
  

Лойиҳани амалга ошириш учун АТ “Алоқабанк” дан 6 ойлик имтиёзли давр билан 3 йил муддатга, йиллик 9 фоиз устама ҳақ тўлаш шарти билан 8 500 000 (саккиз миллион беш юз минг) сўм миқдоридаги кредит маблағларини жалб қилиш кўзда тутилган.
Хонадон шароитида асаларичиликни ташкил қилиш учун талаб қилинадиган маблағлар ҲИСОБ – КИТОБИ