Рта махсус таълим вазирлиги Ўзбекистон республикаси

2. Чорвачилик тармоғида мулкий муносабатларини ислоҳ қилиш. Ушбу босқичда республикада чорвачилик фермалари бепул пайчиларга бўлиб бериш ва «Ким ошди» савдоларида сотиш орқали давлат тасарруфидан чиқарилди, давлат буюртмаси бекор қилинди, шартномавий ва эркин нархларга ўтилди ва бошқалар.
Буларга Ўзбекистон Республиканинг 1990 йил 31 октябрдаги “Мулкчилик тўғрисида”ги қонуни, Ўзбекистон Республиканинг 1991 йил 19 октябрдаги “Давлат тасарруфидан чиқариш ва хусусийлаштириш тўғрисида”ги қонуни, Ўзбекистон Республикаси Вазирлар Маҳкамасининг 1991 йил 30 декабрдаги “Республикада деҳқон (фермер) хўжаликларини янада ривожлантириш ва мустаҳкамлаш чоралари ҳақида”га 315-сонли қарори, Ўзбекистон Республиканинг 1993 йил 6 майдаги “Ер солиғи тўғрисида”ги қонуни, Ўзбекистон Республикаси Вазирлар Маҳкамасининг 1993 йил 15 мартдаги “Республика чорвачилигида иқтисодий ислоҳотларни чуқурлаштириш чора-тадбирлари тўғрисида”ги 137-сонли қарор, 1994 йил 24 февралдаги “Чорвачиликда иқтисодий ислоҳотларни чуқурлаштириш ва деҳқон (фермер) хўжаликларини ривожлантиришни давлат томонидан қўллаб-қувватлаш тўғрисида”ги 87-сонли қарори, 1995 йил 24 мартдаги “Чорвачилик тармоғида иқтисодий ислоҳотларни янада чуқурлаштириш ва хусусий тадбиркорликни қўллаб-қувватлаш чора-тадбирлари тўғрисида”ги 96-сонли қарорлари киради.
3. Институционал ислоҳотларни чуқурлаштириш босқичи. Бу босқичда мамлакатимизда чорвачилик тармоғида мулкчиликнинг турли шакллари фаолиятининг ҳуқуқий-меъёрий асослари яратилди ва такомиллаштирилди. Бу борада хукумат томонидан қабул қилинган ҳуқуқий ва меъёрий хужжатлар қуйида келтирилган, Ўзбекистон Республикасининг 1998 йил 30 апрелдаги “Деҳқон хўжалиги тўғрисида”, “Фермер хўжалиги тўғрисида”ги, “Қишлоқ хўжалиги кооперативи (ширкат хўжалиги) тўғрисида”ги , “Фермер хўжалиги тўғрисида”, “Деҳқон хўжалиги тўғрисида”, 1993 йил 3 сентябрдаги «Ветеринария тўғрисида» ги, 1995 йил 21 декабрдаги «Наслчилик тўғрисида»ги, 1996 йил 26 апрелдаги “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги, 1998 йил 30 апрелдаги “Ер кодекси”, 1998 йил 29 августдаги “Хўжалик юритувчи субъектлар фаолиятининг шартномавий-ҳуқуқий базаси тўғрисида”ги, 2000 йил 25 майдаги “Тадбиркорлик фаолияти эркинлигининг кафолатлари тўғрисида”ги, 2002 йил 5 апрелдаги “Суғурта фаолияти тўғрисида”ги қонунлар ва бошқаларни киритиш мумкин.