Ўрта махсус таълим вазирлиги

3.4. Лойиҳаланаётган ускунанинг ишлатиш қоидалари
ва бошқариш усуллари
Лойиҳаланаётган ускунанинг ишлатиш қоидалари ва бошқариш усуллари фойдаланилган адабиётлар рўйҳатида келтирилган китоблардан фойдаланиб ёки амалий билимларга асосланган ҳолда ускунани юргизиш, тўхтатиш ва ишлатилаётган пайтида қандай техника ҳавфсизлик тартибларга риоя қилиш кераклиги ёритилади.
3.5. Ускуна ҳисоби
Ускуна ҳисоби қисмини бажариш учун лойиҳа раҳбари талабага бошланғич маълумотлар беради. Улар асосида талаба ускунанинг моддий ҳисобини бажаради. Агар лойиҳаланаётган ускунадан технологик жараён исситиш-совутиш йўли билан бажарилса ускунанинг иссиқлик ҳисобини бажариб, иссиқлик ёки совуқлик манбаларининг сарфи аниқланади. Ускунада бажарилаётган технологик жараён суюқликлар (мой, сув) оқими билан боғлиқ бўлса, ускунага берилаётган ёки оқизиб олинаётган суюқликнинг табиатини эътиборга олган ҳолда, гидравлик ҳисоблаш ишлари амалага оширилади. Демак, ускунадан суюқликни оқизиб олиш учун ёки бериш учун ускуна патрубкаларининг диаметри аниқланади ва насослар танланади. Ускуна хисоби қисмининг оҳирида механик ҳисоблаш усуллари билан ускуна девори ёки қопқоғи қалинлиги, фланецли бирикмалар ва трубкалар панжарасининг қалинлиги, аппартнинг таянчларини танлаш ҳамда уларнинг сонини ҳисоблаш ишлари бажарилади.
3.6. Фойдаланилган адабиётлар рўйҳати
Тушунтириш хатининг оҳирида араб рақамлари ёрдамида тартиб билан курс ишини бажариш учун фойдаланилган адабиётлар рўйҳати келтирилади. Тушунтириш хати матнида фойланилган адабиётларга ҳавола (ссылка)лар ўрта қавс ичида бериб борилади. Масалан: [5] ва ҳоказо.
Адабиётлар рўйҳатини ёзиш стандарт талабларига биноан қуйидаги тартибда бажарилади: Муаллиф(лар)нинг исми-шарифи, китоб ёки манбанинг аниқ номи, нашриёт тури, адабиёт чиқарилган шаҳар (худуд), нашр йили, адабиётнинг ҳажми. Журнал мақолалари учун мақола мавзуси ва чоп этилган журналнинг номи хам келтирилади.
Тушунтириш хатининг якунида талаба санани кўрсатиб имзо қўяди.
Топшириқ намунаси курс лойиҳасининг биринчи варағи ҳисобланади ва у раҳбар томонидан тўлдирилиб талабага тақдим этилади.
Топшириқ варағидан сўнг курс лойиҳасинингн мундарижаси берилади. Киришнинг биринчи варағи тушунтириш ёзувининг 3-бети этиб белгиланади.
Курс лойиҳасининг бошида тушунтириш хатининг муқоваси бўлиб, муқова варағи ва топшириқ намуналари 1- ва 2- намуналарда келтириб ўтилгани каби бажарилади.