Ўрта махсус таълим вазирлиги

«ОЗИҚ-ОВҚАТ МАҲСУЛОТЛАРИ ТЕХНОЛОГИЯСИ» КАФЕДРАСИ
«КОРХОНА УСКУНА ВА ЖИҲОЗЛАРИ» ФАНИДАН
КУРС ЛОЙИҲАСИНИ БАЖАРИШ УЧУН
УСЛУБИЙ КЎРСАТМАЛАР

Тошкент – 201_

Тузувчилар: доц. Илъхамджанов П.
асс. Йўлчиев А.Б.

«Корхона ускуна ва жиҳозлари» фанидан курс лойиҳасини бажариш учун услубий кўрсатмалар (Тошкент кимё-технология институти, ООМТК 201_,…. бет)

Тақризчи: т.ф.д., проф. Рахимджанов М.А.

Услубий кўрсатмалар Тошкент кимё-технология институти Ўқув-услубий Кенгаши томонидан тасдиқланган. Баённома №__ «____» _________ 201_ йил.

КИРИШ
Услубий кўрсатмалар “Ёғлар ва мойлар технологияси” ихтисослиги йўналишида билим олаётган талабаларга “Корхона ускуна ва жиҳозлари” фанидан курс лойиҳасини бажаришда амалий ёрдам кўрсатади.
Ёғ-мой корхоналари илғор технология ва техника билан таъминланган. Уларни мукаммал ўрганиш ва ўзлаштириш талабадан етарлича билим ва кўникмаларга эга бўлишни талаб этади. Шу сабабли курс лойиҳасини бажаришга алоҳида эътибор берилади. Чунки курс лойиҳасини бажариш ихтисослик бўйича ўтилган махсус фанларга якун ясайди ва мутахасиснинг шаклланишида ҳал қилувчи аҳамиятга эга бўлади.
Ёғ-мой корхоналари ускуналари ва жиҳозлари бўйича курс лойиҳасини бажариш учун етарлича махсус адабиётлар бўлмаганлигини ҳисобга олган холда ушбу тавсия этилаётган услубий кўрсатмалар талабга кераклича маълумотлар, билим ва ахборотлар беради деган фикрдамиз.
Услубий кўрсатмаларни таёрлашда ёғ-мой саноатида қўлланилаётган замонавий технология ва техника воситалари ёрдамида эришилган ютуқлардан, техник-иқтисодий кўрсаткичлардан фойдаланилган, ТКТИ қошидаги “Ёғлар технологияси” йўналишида узоқ йиллардан бери ишлаб, фаолият кўрсатиб келаётган профессор-ўқитувчиларнинг кўп йиллик тажриба ва билимлари мужассамланган.
1. Курс лойихасининг мақсади
Курс лойиҳасининг асосий мақсади талабаларнинг ихтисослик бўйича олинган билмларини, айнан, “Корхона ускуна ва жиҳозлари” ҳамда “Ўсимлик мойлари ишлаб чиқариш технологияси”, “Ёғларни қайта ишлаш технологияси” ва бошқа фанлардан ўзлаштирилган маълумотларини чуқур мустаҳкамлашдан, мустақил мухандислик лойиҳалаш ишларини бажаришга ўргатишдан иборат.
Курс лойиҳаси талаба томонидан мустақил равишда раҳбар назорати остида бажариладиган ўқув иш турларидан бўлиб, у талабани ижодий-малакавий билимларини ривожлантиришга, илмий-техник масалаларни ечишга ўргатади.