Ўрта махсус, касб-ҳунар таълими марказининг 2016 йил “ ” даги сонли буйруғига 2-илова

3. БИТИРУВ МАЛАКАВИЙ ИШНИ БАЖАРИШДА ЎҚУВ МОДУЛЛАРДАН УНУМЛИ ФОЙДАЛАНИШ

Битирув малакавий иш режаси тузилгандан сўнг, энг аввало, ўтилаётган ўқув модулларини ўзлаштириш ва адабиётлар билан ишлашда мавзу бўйича керакли билим, кўникма ва малакаларни эгаллаб олиш даркор. Зеро, ўқув режада берилган аксарият ўқув модуллари бевосита ёки билвосита тарзда мавзуга тегишлидир.

Ўқув режада ахборот коммуникацион технологиялар (АКТ) бўйича Таълимда инновацион муҳит, Таълимни электрон бошқариш, Масофавий таълим, Электрон таълим ресурсларидан дарслар қўйилган. Хўш нимаси билан ушбу ўқув модуллари мавзуга тегишли, деган ўринли савол туғилади.
Билвосита равишда тегишли, чунки мазкур мавзу бўйича битирувчилар ва уларнинг қандай касбга эгалиги ҳақидаги маълумотларни АКТни қўллаган ҳолда йиғиш, тегишли “веб-сайт”га жойлаштириш, иш берувчиларга доир ахборотга эга бўлиш ва битирувчилар ҳақидаги маълумотларни уларга жўнатиш, яъни тезкор равишда ахоборот алмашиш керак бўлади. Ўзингиз ўйлаб кўринг, ҳозирги информатика замонида бундай ишларни АКТсиз бажаришни тасаввур қилиш қийиндир. Айнан АКТга тегишли барча ўқув модулларида ўзингизни қизиқтираётган саволларга жавоб топишингиз мумкин. Шунингдек, сизнинг коллежингизни замон талабларига мослаштириш, ўқувчилар эса ўз иқтидори билан халқаро ташкилотларга ишга жойлашмоқчи, чет элда ўқиш ёки меҳнат фаолиятини давом эттирмоқчи, келгусида тадбиркорлик фаолиятини олиб боришлари учун унга ишга жойлашишда катта имкониятларни очиб беради.


4. БИТИРУВ МАЛАКАВИЙ ИШ ТУЗИЛМАСИ

Битирув малакавий ишни объектив баҳолаш, унинг мазмуни ва моҳиятини тўғри англаш ва келажакда ижод маҳсулини амалда қўллаш имкониятини яратиш учун уни қатьий талаблар асосида бажариш мақсадга мувофиқдир. Ушбу талаблар қуйидаги тизимлашган таркибий қисмлардан иборат:

4.1. Битирув малакавий ишининг муқоваси. Титул варағи битирув малакавий ишнинг биринчи бетида тургани учун ҳам уни муқова ўрнида қўлланилади. У қуйида кўрсатилган 4.1.1-намунага мос равишда расмийлаштирилади. Муқова 1 бетдан иборат бўлиб, унда вазирлик, марказ институт ва кафедранинг тўлиқ номи, ишнинг мавзуси, бажарувчининг исми, фамилияси, отасининг исми тўлиқ ёзилади, иш жойи лавозими, битирув малакавий иш раҳбарининг фамилияси, исми, шарифи, малака оширилган шаҳар ва йил кўрсатилади. Битирув малакавий иш Институнинг ўқув ва илмий ишлари бўйича директор ўринбосари томонидан тасдиқланиши керак. Акс ҳолда тингловчи битирув малакавий иш ҳимоясига қўйилмайди.