Ролли уйинлар мохияти ва уларни ташкил этиш

Kurs ishning ob’ekti:
Muloqotda noan’anaviy usullarning o‘rnini o‘rganish maqsadida 50 nafar respondentlar tanlandi.
Kurs ishning predmeti:
Muloqotda qo‘llaniladigan noan’anaviy usullar va ularning shaxslararo munosabatlarga ta’sir doirasining ilmiy tahlili.
Ma’lumki, odamlar o‘zaro muloqotga kirishganda, eng samarali va tabiiy so‘zlashish vositasi bo‘lmish nutqdan foydalanadilar, uning ta’sirchanligi va kuchi, tabiiy o‘sha so‘zlovchilarning malakalariga, tajribasiga, hayotiy ko‘nikmalariga bog‘liq. SHuning uchun ham muloqotda noan’anaviy usullarni qo‘llash orqali shaxslararo muloqotning samaradorligini oshirish maqsadga muvofiqdir.
Kurs ishning ilmiy farazi:
- muloqotga noan’anaviy usullarni tatbiq etish shaxslarao munosabatlarni muvaffaqiyatli amalga oshirishning garovi.
- muloqotda shaxsning o‘ziga xosligi, tiplarining o‘ziga xosligini hisobga olish uning samaradorligiga asos bo‘lishi mumkin.
Kurs ishning vazifalari:
- muloqot psixologiyasining nazariy - metodologik asoslarini o‘rganish;
-muloqotning ijtimoiy psixologik qonuniyatlari va unga o‘rgatishning noan’anaviy usullarini tadqiq etish;
- pedagogik muloqotda qo‘llaniladigan noan’anaviy usullarni o‘rganish;
- ilmiy tadqiqot natijalari asosida xulosa va tavsiyalar ishlab chiqish, foydalanilgan adabiyotlar ro‘yhatini tuzish.
Kurs ishning metodologik asosi bo‘lib, avvalo «Sog‘lom avlod», “YOshlar yili”, “Barkamol avlod yili” davlat dasturlari hamda Prezidentimiz I.A Karimovning ma’naviy va ijtimoiy hayotni erkinlashtirish, ma’naviy-ma’rifiy islohotlarni chuqurlashtirish bilan bog‘liq fikr va g‘oyalari, “Malakali pedagog kadrlar tayyorlash hamda o‘rta maxsus, kasb-hunar ta’limi muassasalarini kadrlar bilan ta’minlash tizimini yanada takomillashtirishga oid chora –tadbirlar to‘g‘risida ”2012 yil 28 maydagi PQ-1761 qarori tashkil qiladi.
O‘zaro munosabatlarning inson psixik taraqqiyotiga ijobiy ta’sir muammosi to‘g‘risida L.S.Vigotskiy, S.L.Rubinshteyin, A.N.Leontev, A.V.Zaporojets, B.F.Lomov, A.A.Bodalev, M.I.Lisina, B.F.Parigin, T.SHibutani, G.M.Andreeva, A.G.Kovalev, B.F.Porshnev, va boshqalarning ilmiy tadqiqot ishlari hamda shaxslararo munosabatlarni o‘rgangan O‘zbekistonlik olimlar (M.Davletshin, G‘.SHoumarov, E.G‘oziev, V.Karimova, N.Sog‘inov, X.Karimov va boshqalar) ning fikrlari ham xizmat qildi.