Ролли уйинлар мохияти ва уларни ташкил этиш

Kurs ish mavzusining dolzarbligi.
Istiqlol tufayli o‘z mustaqil taraqqiyoti yo‘lidan borayotgan respublikamiz yoshlarini ijtimoiy munosabatlarning ko‘rinishi bo‘lgan shaxslararo munosabatlarga tayyorlash, davr ruhida tarbiyalash – shu kunning dolzarb va ustivor vazifalaridan biridir. O‘zbekiston mustaqillikka erishish ostonasidayoq, yurtboshimiz yoshlarimizga juda katta ishonch bildirib, “Respublikamizning bugungi va ertangi taqdiri yosh avlodning kasb mahorati, intellektual darajasi, ma’naviy taraqqiyoti, jismoniy sog‘lomligiga bog‘liq”³ deganlarida katta ma’no bor. Zero, davlatimiz rahbari yoshlarni O‘zbekistonning eng katta boyligi, mehnat va intellektual faoliyatdagi zahirasi sifatida doimo ardoqlab, ularni tarbiyalash ishini davlat ahamiyatiga molik ish sifatida belgilaganliklari hech kimga sir emas.
Inson tafakkuri va uning aql-idrokiga xos bo‘lgan muhim xususiyatlardan biri shuki, uning taraqqiyoti, eng avvalo kishilik jamiyatidagi o‘zaro munosabatlarning qay darajada mukamalligi va insoniyligiga bog‘liq. SHuning uchun ham har bir shaxs va jamiyat uchun demokratik, insoniy munosabatlar mezoni muhim va o‘ta ahamiyatlidir. Zero, demokratik munosabatlar ijtimoiy munosabatlarning muhim bir shakli bo‘lgan shaxslararo munosabatlarga ham xos bo‘lib, har bir mo‘‘tadil taraqqiy etayotgan insonning ma’naviy, irodaviy, intellektual hamda ma’rifiy barkamolligi negizini tashkil etadi.
Jamiyatimizning bugungi ijtimoiy hayotida ro‘y berayotgan tub islohotlarning mohiyati haqida fikr yuritilar ekan, eng noyob milliy qadriyatlarni yosh avlod ruhiga va ma’naviy dunyoqarashiga singdirish va undan umuminsoniy manfaatlar yo‘lida foydalanishning yagona yo‘llaridan bir – bu ularda bilimdonlikni etarli darajada rivojlantirishdir. Birinchi Prezidentimiz I.A.Karimov ta’kidlaganidek, “Dunyoning demokratik qadriyatlaridan bahramand bo‘lishda aholining bilimdonligi muhim ahamiyat kasb etmoqda. Faqat bilimli, ma’rifatli jamiyatgina demokratik taraqqiyotning barcha afzalliklarini qadrlay olishini va aksincha, bilimi kam, omi odamlar avtoritarizmni va totalitar tuzumini ma’qul ko‘rishini hayotning o‘zi ishonarli tarzda isbotlamoqda”⁴.
SHaxslararo munosabatlarning psixologik tabiatini tahlil qilar ekanmiz, uning shaxs kamoloti va salohiyatiga ta’siri masalasiga alohida e’tibor qaratish lozim. CHunki, shaxslararo munosabatlarda shaxsda o‘zini-o‘zi anglash, o‘zini o‘zi kamol toptirish jarayonlari tezlashadi, samimiy insoniy munosabatlar va unda madaniyat va iltifot tamoyillariga amal qilinishiga sharoitlar yaratiladi. Bu esa shaxsning psixologik savodxonligini ya’ni shaxsning o‘zi, uning hissiy kechinmalari, munosabatlari majmui bilan jamiyat va undagi shaxslararo munosabatlar tizimi, qadriyatlar, ma’naviyat to‘g‘risidagi tasavvurlarini belgilaydi. Psixologik nuqtai nazardan bilimdon odam tasavvurlarida ob’ektivlik va xolislik sifatlari mavjudkim, shu tufayli u o‘z “Men”ini mukammallashtirish va o‘zgalar bilan to‘g‘ri munosabatlar o‘rnatish qobiliyatiga ega.⁵ Darhaqiqat, etuk kadr bo‘lish uchun shaxs nafaqat o‘z iqtidori, bilimi va saviyasini oshirishi zarur, balki jamiyatda turlicha ijtimoiy munosabatlar tizimiga tayyor bo‘lmog‘i zarur.
Kurs ishning maqsadi.
SHaxslararo munosabatlarning negizi va tub mohiyatini o‘sha munosabatlarning egasi yoki sub’ekti bo‘lmish insonlar o‘rtasidagi o‘zaro ta’sir va munosabatlar tashkil etadi. SHuning uchun ham muloqotda noan’anaviy usullardan foydalanish va ushbu jarayonda namoyon bo‘ladigan shaxs tiplarini eksperimental tarzda tadqiq etish, uslubiy tavsiyalar ishlab chiqish kursishning maqsadi bo‘lib xizmat qiladi.