Ўрмон уруғчилиги буйича қўлланма

Баргли дарахтлар уруғларини сақлаш .

Баргли дарахтлар уруғлари сақлашга қўйишдан олдин қуритилади . Уруғлар намлиги ўрмон уруғлари лабароториясида аниқланади .

Сақлашга қўйилаётган уруғлар намлиги қўйидагича бўлиши керак : тут --- 9-10 % ,ёввойи олма --- 10-11 % , шумтол турлари --- 10-12 % , оқ акация --- 9-12% , қайрағоч --- 5-7 % , тикандарахт 10-11 % , заранг ва жўка 10-12 % , чаканда 10-14 % , жийда 10-13 % , скумпия 8-10 % , четан 9-10% .
Ёввойи олма , ёввойи нок, тут, қайин, қайрағоч ва скумпия уруғлари шиша идишларда сақланади . Уруғларнинг ҳолатини вақт-вақти билан текшириб туриш керак.
Тикандарахт, оқ акация ва ипак акация уруғларини қопларда сақлаб, вақт-вақти билан холати текшириб турилади .
Заранг, шумтол, жийда ва жўканинг уруғлари стратификация даври ёки экилгунча ёғоч идишларда ёки қоғоз қопларда сақлаш мумкин .
Оддий ёнғоқ , бодом турлари , ҳақиқий писта уруғлари териб қуритилгандан сўнг қопларга солиниб салқин жойда сақланиши керак . Агар уларни узоқ муддатга сақланиши керак бўлса холодильникда 0 градус ҳароратда сақлаш мумкин .

Эман меваларини сақлаш .

Эман уруғларини сақлаш усуллари жуда кўп , лекин бу усулларнинг катта қисми маҳаллий шароитларда қўллаб бўлмайди .

Эман уруғлари жуда тез қурийди ва намлиги қуруқ оғирликнинг 60 % дан пастга тушса уруғлар кўкарувчанлигини йўқотади .
Эман уруғларини иложи борича тезроқ , уруғ тўкилгандан кейин дарров териб олиб экиш керак . Шунда улар куз фаслининг ўзида кўкариб чиқади . Агар уларни баҳоргача сақлаш керак бўлса бир қанча усуллардан фойдаланишимиз мумкин .
Уларнинг энг осони : эман уруғлари солинган қопларни оқиб турадиган сувга баҳоргача чўктириб қўйиш керак . Шундай ҳолатда уруғлар чиримасдан , нишламасдан баҳорги экиш вақтигача сақланиши мумкин .
Иккинчи усул --- уруғларни траншея ёки чуқурларда сақлаш . Бунинг учун ёғингарчилик сувлари босмайдиган жойдан эни 1-1,5 метр , чуқурлиги 1,5 метр қилиб чуқур ёки траншея қазилади . Чуқурнинг таги ер ости сувларидан баланд бўлиши керак . Эман уруғлари фунгицид препаратлар билан ишлов берилиб , сақлашга қўйилади . Эман уруғлари 3см қалинликда ёйилиб , устидан 5 см қум ёйилади ва яна устидан эман уруғлари ва яна қум ёйилади . Шундай қилиб чуқур тўлишига 30 см қолгунча тўлдирилади . Шундан кейин чуқурнинг қолган қисми уруғлар музлаб қолмаслиги учун тупроқ билан тўлдирилади ва баҳоргача сақланади .
Учинчи усул --- уруғларни барг остида сақлашдир . Бу усулда дарахтзорда майдонча тайёрланиб , унга 15-20 см қалинликда эман ёки заранг барглари тўшалади ва устидан барглар билан кўмилади , Қор ёғгандан кейин барглар устидан 70 см қалинликда зичлашган қор билан кўмилади . Қор тез эриб кетмаслиги учун устини сомон билан ёпиб қўйиш мумкин .