Ўрмон уруғчилиги буйича қўлланма

Расм 9. Тукли заранг

Оддий сассиқ дарахт уруғларини сентябрь ойидан териш керак .

Жўка уруғлари бир ёнбоши сарғая бошлаган пайтда ( август ойида ) терилиши ва бирданига экилиши мумкин . Сақлаб қўйиш учун уруғлар тўлиқ пишганда ( сентябрь ойида) терилади .

Мевали дарахтлар уруғларини териш ва тайёрлаш.

Ёввойи олма ва нок мевалари сентябрь ойида терилади. Гилос, тоғолча, қизил, ўрик уруғлари июль-август ойларида терилади.

Терилган мевалар махсус механизмларда , агар оз миқдорда бўлса қўлда тозаланади. Тозаланган уруғлар ювилиб , юпқа қилиб ёйилали ва қуритилади. Қуритиш ҳарорати +35 +40 даражадан ошмаслиги керак . Қуритилган олма, нок, беҳи уруғларининг намлиги 10-11 % бўлиши керак.
Уруғлар қуруқ , салқин ва ҳаво яхши алмашадиган жойда сақланиши керак .

Ҳўл мевали бошқа уруғларни териш ва тайёрлаш.

Тут, наъматак, дўлана, ирғай ва четан уруғлари пишишига қараб июньдан сентябрь ойигача терилади . Наъматакдан ташқари қолган дарахтлар тагига гиламча ёки мато тўшаб, мевалари қоқилади ва йиғиб олинади. Наъматак мевалари қўлда терилади .

Агар наъматак ва дўлана уруғлари шу йили экиладиган бўлса, уларнинг мевалари чала пишган ҳолда терилиб, тозаланади ва дарҳол экилади.
Тутнинг уруғлари яхши пишган бўлса ҳам дарҳол экиш мумкин .
Уруғлар сақланадиган бўлса, улар яхши пишгандан кейин терилиб тозаланади ва қуритилади .
Терилган мевалар 1-2 кунда тозаланади . Меваларнинг тўда қилиб уйилиши натижасида қизиб кетишига ва чиришига йўл қўйилмаслиги керак .
Ювиб, тозалаб, қуритилган уруғлар шамолда шопирилиб олинади ва сақлашга қўйилади .

Дуккаклилар уруғларини териш ва тозалаш.

Оқ акация , тикандарахт , ипак акация , япон тухумаги уруғлари пишгандан кейин, сентябрь ойидан бошлаб баҳоргача териш мумкин.

Териб олинган дуккакмевалар махсус механизмлар ёрдамида ёки тепкилаш йўли билан эзилади. Эзиб олинган масса шамолга шопирилиб, мева пўчоқларидан тозаланади ва сақлашга қўйилади .

Расм 10. Қуёнсуяк уруғлари