Rivojlanishida nuqsoni bo lgan bolalar uchun ixtisoslashtirilgan maktab, maktab-internatlari uchun

O ‘ZBEKISTON RESPUBLIKASI XALQ TA’LIMI VAZIRLIGI

AQLIY RIVOJLANISHIDA NUQSONI BO‘LGAN BOLALAR UCHUN IXTISOSLASHTIRILGAN MAKTAB, MAKTAB-INTERNATLARI UCHUN
O‘QUV DASTURI
OBODONLASHTIRISH
( 5-7 sinflar)

O‘ZBEKISTON RESPUBLIKASI XALQ TA’LIMI VAZIRLIGI

AQLIY RIVOJLANISHIDA NUQSONI BO LGAN BOLALAR UCHUN IXTISOSLASHTIRILGAN MAKTAB, MAKTAB-INTERNATLARI UCHUN
O‘QUV DASTURI


OBODONLASHTIRISH
(5-7-sinflar)
Tuzuvchi:
I.M.Alimov-103-sonli yordamchi maktab-
internat o‘qituvchisi
Toshkent 2022

Respublika ta’lim markazi Inklyuziv va maxsus ta’lim bo‘limining 2022-yil __---------------_Ilmiy-metodik kengashining navbatdan tashqari

----- -sonli yig‘ilishda ko‘rib chiqildi va tasdiqlashga tavsiya etildi.


Obodonlashtirish va ko‘kalamzorlashtirish yo‘nalishi bo‘yicha dastur
Tushuntirish xati
Mazkur o‘quv dasturi yordamchi maktab va maktab-internat o‘quvchilarning kasbiy ta’limga tayyorgarligiga qo‘yilgan davlat talablari asosida ishlab chiqildi.
Yordamchi maktablarda 5,6 va 7-sinf o‘quvchilarini “Obodonlashtirish va ko‘kalamzorlashtirish” kasbiga o‘rgatish jarayonida ularga maxsus chuqurlashtirilgan tayyorgarlik talab etmaydigan kasbga tayyorlash va kasb-xunar o‘rgatish, kelgusi ta’lim turini yoki mehnat faoliyatini tanlashga ko‘maklashish, ularning ongiga yuksak ma’naviy–axloqiy fazilatlarni singdirish va tadbirkorlik qoidalari bilan tanishtirish muhim o‘rin tutadi.
Ushbu dastur “Shahar obodonlashtirish va ko‘kalamzorlashtirish xo‘jaligining ishchilari” yoki “Fermer xo‘jaligi ishchilarini“ tayyorlashga yo‘naltirilgan bo‘lib, bunda o‘quvchilar shu yo‘nalish bo‘yicha dastlabki bilimlar oladilar. Dastur yordamchi maktabning 10–sinf o‘quvchilariga mo‘ljallangan bo‘lib, mehnat ta’limi dars soatlari ichiga kiritilgan .
Dastur o‘quvchilarning ona tabiatga bo‘lgan munosabatlarini yanada rivojlantiradi. Agrotexnika, zootexnika , biologiya , qo‘l ishlarini o‘rgatish bo‘yicha dexqonchilik chorvachilik, qo‘yinki fermerlik yo‘nalishlari bo‘yicha dastlabki bilim va ko‘nikmalarni egallaydilar.
Dastur 3 yo‘nalishda tuzilgan : 1-nazariy; 2- amaliy; 3 – takrorlash.
Dastur shunisi bilan afzalki har bir nazariy darslar amaliy ishlar bilan uzviy bog‘lanib keladi. Mavzular yil mavsumlariga moslab tanlangan bo‘lib, imkoniyati cheklangan o‘quvchilar tomonidan o‘zlashtirilishi lozim bo‘lgan bilim ko‘nikmalar xisobga olingan. Kuz oylarida o‘quvchilar manzarali, mevali, daraxt va butalar bilan ko‘p yillik va bir yillik gulli o‘simliklar,qishloq xo‘jaligi ekinlari bilan tanishib, ularni parvarishlash, xosilini yig‘ish, saqlash, ularga ishlov berishni, erni shudgorlash, xo‘jalikda ishlatiladigan asbob va uskunalar bilan tanishish, ularni ishlata olishni o‘rganadilar. Qish oylarida issiqxona yoki oranjeriyada o‘simliklarni ko‘paytirish, o‘stirish, parvarishlash, chorvachilik hayvonlarini uy sharoitida boqish, parvarishlash, oziqlantirish kabi bilimlar beriladi. Qish mavsumida maktab hovlisida mavsumiy ishlarni amalga oshirish, yo‘lkalarni qordan tozalash, shudgorlangan erlarga o‘g‘itlar chiqarish, bir yillik o‘simliklar urug‘larini saralash, ekishga tayyorlash, xo‘jalikda ishlatiladigan asbob va uskunalarni tamirlash,bir yillik gulli o‘simliklar va poliz ekinlari: pomidor,bulg‘or qalampiri, baqlajon kabi o‘simliklar urug‘larini maxsus yashiklarga ekish. Bahor mavsumiga kelib, bahorgi mavsumiy ishlar, ariq - zovurlarni to‘zalash. Yangi nihollar ekish, daraxtlar tagini yumshatish, daraxtlarni oqlash,bog‘larni chiqindilardan tozalash, tok va atirgullarni ochish. Maktab hovlisida gulzor barpo etish, parvarishlash. pomidor,qalampir,baqlajon kabi o‘simliklarni tomorqaga ekish, sug‘orish, begona o‘tlardan tozalash. Ushbu dastur mavzularini o‘zlashtirgan o‘quvchilar kelgusida shahar obodonlashtirish-ko‘kalamzorlashtirish xo‘jaliklarida, biror bir fermer xo‘jaligida ishchi bo‘lib ishlashlari, o‘z shaxsiy tomorqa yokiy xovlilarida qishloq xo‘jaligi ekinlarini etishtirishlari, chorvachilik hayvonlarini boqishlari uchun zamin bo‘ladi.
Mazkur dasturdagi bazi mavzularni maktab sharoitidan kelib chiqib o‘zgartirishlar kiritilishiga ruxsat beriladi.