Risk bо‘yicha shartnomalar va axborot almashish. Reja: Operatsion protseduralar va majburiyatlar

Rо‘yxatga olish jurnallarining axborotlarini muhofaza qilish
Hodisalarni rо‘yxatga olish vositalari va rо‘yxatga olish jurnallarining axborotini aralashishdan va ruxsat etilmagan foydalanishdan muhofaza qilish kerak.
Axborot xavfsizligini boshqarish bо‘yicha tadbirlar vositalarni ruxsat berilmagan о‘zgarishlar va tо‘xtab qolishlardan muhofaza qilishni ta’minlashi kerak, jumladan:
a) rо‘yxatga olingan xabarlar turlarini о‘zgartirishdan;
b) audit jurnallari tarkibidagi fayllarni tahrir qilish yoki yо‘q qilishdan;
c) jurnallar fayllari joylashgan yoxud voqealarni yozishni rad etishga yoxud avval rо‘yxatga olingan voqealarni qayta yozishga olib keladigan tashuvchilarning yetarli bо‘lmagan sig‘imidan.
Ayrim audit jurnallariga hujjatlarni saqlash siyosatining bir qismi sifatida yoki dalillarni yig‘ish va saqlash talablariga kо‘ra, arxivlashtirish talablari qо‘yilishi mumkin (13.2.3).
Auditning tizim jurnallari kо‘pincha xavfsizlik monitoringi nuqtai nazaridan qiziqish uyg‘otmaydigan katta hajmdagi axborotga ega bо‘ladi. Xavfsizlik monitoringida katta ahamiyatga ega bо‘lgan hodisalarni identifikatsiya qilishni yengillashtirish uchun xabarlarning tegishli turlaridan alohida jurnalga avtomatik nusxa kо‘chirish imkoniyatini kо‘rib chiqish yoki tо‘g‘ri keladigan tizim utilitlaridan yoki ma’lumotlarni tahlilga tayyorlash uchun auditning instrumental vositalardan foydalanish maqsadga muvofiq.
Tizim jurnallari muhofaza qilinishi kerak, chunki ulardagi ma’lumotlarni о‘zgartirish yoki yо‘q qilish mumkin bо‘lsa, unda jurnallarning mavjudligi xavfsizlikning sohta tuyg‘usini keltirib chiqarishi mumkin.
Ma’murlar va operatorlarning xatti-harakatlarini rо‘yxatga olish jurnallari
Tizim ma’muri va tizim operatorining xatti-harakatlarini rо‘yxatga olish kerak.
Jurnallar quyidagilarni о‘z ichiga olishi kerak:
a) hodisa yuz bergan vaqt (muvaffaqiyatli yoki muvaffaqiyatsiz urinish);
b) hodisa (masalan, ishlov berilgan fayllar) yoki tо‘xtab qolish (masalan, xato yuz berdi va tuzatuvchi amal qо‘llanadi) tо‘g‘risidagi ma’lumot;
s) qanday hisobga oluvchi yozuv va qanday ma’mur va operator jalb etilgan;
d) qanday jarayonlar amalda bо‘lgan.
Tizim ma’murlari va operatorlarining jurnallarini muntazam tekshirib turish kerak.
Tizimli va tarmoqli ma’muriy boshqarish bо‘yicha xattiharakatlarning qabul qilingan normalarga muvofiqligini kuzatib borish uchun tizim va tarmoq ma’murlari yetishi mumkin bо‘lgan zonadan tashqarida boshqariladigan buzib kirishlarni aniqlash tizimidan foydalanish mumkin.