Risk bо‘yicha shartnomalar va axborot almashish. Reja: Operatsion protseduralar va majburiyatlar

Biznes uchun axborot tizimlari
Biznes uchun axborot tizimlarining о‘zaro aloqalariga tegishli axborotni muhofaza qilish siyosati va tartibini ishlab chiqish va joriy qilish kerak.
Ushbu tizimlarning о‘zaro aloqalari bо‘yicha biznes xavfsizligi va shartlari masalalari quyidagilarni о‘z ichiga olishi kerak:
a) axborotlari tashkilotning turli bо‘linmalari tomonidan foydalaniladigan ma’muriy va hisobga oid tizimlardagi taniqli zaifliklar;
b) biznes-telekommunikatsiyalar tizimlaridagi axborotning zaifligi, masalan, telefon qо‘ng‘iroqlari yoki konferensiyalarni yozib olish, qо‘ng‘iroqlarning konfidensialligi, fakslarni saqlash, pochtani ochish va taqsimlash;
c) axborotdan birgalikda foydalanish siyosati va qabul qilsa bо‘ladigan boshqaruv vositalari;
d) agar tizim muhofaza qilishning kerakli darajasini ta’minlamasa, biznesning konfidensial axborotidan va grifi bor hujjatlardan foydalanishni man etish (7.2);
e) muayyan shaxslarga, masalan, yopiq loyihalarda ish olib borayotgan xodimlarga tegishli kundaliklarning axborotidan foydalanishni cheklash;
f) tizimdan foydalanish ruxsat etilgan xodimlar, subpudratchilar yoki xizmatga oid sheriklar toifalari, shuningdek, undan foydalana olish mumkin bо‘lgan joylar (6.2, 6.3);
g) foydalanuvchilarning ma’lum toifalari uchun tanlangan vositalardan foydalanishni cheklash;
h) foydalanuvchilar maqomini identifikatsiya qilish, masalan, tashkilot xizmatchilari yoki subpudratchilar boshqa foydalanuvchilar uchun ma’lumotnomalarda;
i) tizimda saqlanadigan axborotni saqlash va rezervlash (10.5.1);
j) avariya rejimiga о‘tish bо‘yicha talablar va choralar (14).
Ofis axborot tizimlari - bu hujjatlar, kompyuterlar, mobil hisoblashlar, mobil aloqalar, pochtalar, ovozli pochta, multimedia, pochta xizmatlari/vositalari va faks-apparatlarni qо‘shib foydalanadigan xizmatga oid axborotni tezroq tarqatish va birga foydalanish imkoniyatlari.
Elektron savdo xizmatlari
Maqsad: elektron savdo xizmatlarining xavfsizligini va ulardan xavfsiz foydalanishni ta’minlash.
Xavfsizlikning elektron savdo bilan bog‘liq xavfsizlik shartlarini, jumladan on-layn rejimidagi bitimlarni va boshqarish vositalariga qо‘yilgan talablarni kо‘rib chiqish kerak. Hamma erkin foydalanishi mumkin bо‘lgan elektron tizimlar yordamida nashr etilgan axborotning butligi va undan foydalana olish mumkinligi masalalarini kо‘rib chiqish zarur.