Risk bо‘yicha shartnomalar va axborot almashish. Reja: Operatsion protseduralar va majburiyatlar

О‘zgarishlarni boshqarish: Axborotga ishlov berish vositalari va tizimlarida konfiguratsiya о‘zgarishlarini boshqarish kerak.
Joriy etish bо‘yicha qо‘llanma
Operatsion tizimlar va amaliy dasturiy ta’minot о‘zgarishlarini jiddiy boshqarish kerak. Xususan, quyidagi punktlarni kо‘rib chiqish zarur:
a) katta о‘zgarishlarni identifikatsiya qilish va rо‘yxatdan о‘tkazish;
b) о‘zgarishlarni rejalashtirish va tekshirish;
c) bunday о‘zgarishlarning mumkin bо‘lgan oqibatlarini xavfsizlikka ta’sirini hisobga olgan holda baholash;
d) taklif qilinayotgan о‘zgarishlarni tasdiqlashning rasmiy protsedurasi;
e) barcha manfaatdor shaxslarni о‘zgarishlar tо‘g‘risida batafsil xabardor qilish;
f) dasturiy ta’minot muvaffaqiyatsiz о‘zgartirilgan va kutilmagan hollarda, axborotga ishlov berish vositalari va tizimlarining ishini tо‘xtatib qо‘yish va tiklash bо‘yicha majburiyatlarni belgilaydigan protseduralar.
Uskuna, dasturiy ta’minot yoki protseduralardagi barcha о‘zgarishlarning kerak bо‘lgan boshqaruvini ta’minlash maqsadida protseduralar va rahbarlarning rasmiy javobgarligi mavjud bо‘lishi kerak. Dasturiy ta’minot о‘zgarganda barcha zarur axborot auditning tizim jurnalida qayd qilinishi va saqlanishi kerak.
Boshqalar
Axborotga ishlov berish vositalari va tizimlarining yetarli bо‘lmagan darajasi tizimning tо‘xtab qolishlari va xavfsizlik buzilshining keng tarqalgan sabablaridan hisoblanadi. Ayniqsa, tizimni ishlab chiqarish bosqichidan ish rejimiga uzatishda operatsion muhitdagi о‘zgarishlar, ilovalarning ishonchliligiga ta’sir qilishi mumkin (12.5.1).
Ekspluatatsion tizimlarga kiritiladigan о‘zgartirishlarni faqat biznesning tizimda xavfning oshishi kabi asoslangan sabablari mavjudligida kiritish mumkin. Tizimlarni operatsion tizimlarning oxirgi versiyalari bilan yangilash doimo biznes manfaatida bajarilavermaydi, chunki, bu hozirgi kundagi versiyadan foydalanishga qaraganda kо‘proq zaifliklarni yoki nobarqarorlikni keltirib chiqarishi mumkin. Shuningdek, qо‘shimcha о‘qitish, litsenziya uchun sarf-xarajatlar, saqlash, saqlash uchun ustama xarajatlar, xizmat kо‘rsatish va ma’muriy boshqarishda, shuningdek, ayniqsa migratsiya jarayonida yangi apparat ta’minoti kerak bо‘lib qolishi mumkin.