Revmatizm va yurak kasalliklari

Belgilari: yurak sohasida kuchsiz og`riq, harakat qilganda yurak o`ynashi, tez charchashi, tomir urishining tezlashuvi kuzatiladi.
Revmatik perikardit. Yurakning ustki (perikard) qavatining revmatizm tufayli yallig`lanishi. Perikardit quruq va eksudatli bo`ladi.Quruq perikarditda yurak sohasida g`ijimlovchi, sanchuvchi og`riq bo`ladi.
Eksudatli perikarditda yurakning ikki qavatli perikard pardasi orasida suyuqlik to`planadi.Bu yurak ishini qiyinlashtiradi, nafas qisadi, lablari ko`karadi, bemorning ahvoli og`ir bo`ladi, shu bois u shifokorga murojaat qilishga majbur bo`ladi.
Revmatik poliartrit. Bo`g`imlarni revmatizm bilan zararlanishi (yallig`lanishi) dir. Ko‘pincha, tizza, oshiq, tirsak, bilak, yelka, panja bo‘g‘imlari zararlanadi. Zararlangan bo‘g‘imlar og‘riydi, shishadi, harakatlanish qiyinlashadi. Og‘riq va shish bir bo‘g‘imdan boshqasiga ko‘chib turadi.
Xoreya. Bosh miyaning po‘stloq osti sohasida joylashgan chipor tana deb ataluvchi nerv to‘qimasi (markazi)ni revmatizm bilan zararlanishidir. Bu kasallik ko‘proq bog`cha va kichik maktab yoshdagi bolalarda uchraydi. Bola ixtiyorsiz ravishda qo‘llarini silkitadi, buning natijasida bolaning husnixati buziladi. U ixtiyorsiz ravishda ko‘zlarini yumib ochadi, labini buradi, tilini chiqaradi, bu holat bolaning ixtiyoriga bog‘liq emasligini bilmaydigan ota-ona va o‘qituvchi nojo‘ya harakatlar qilgani uchun bolaga tanbeh berishadi.
Tibbiy yordam: 1.Revmatizm boshlanishi bilanoq, bolani issiq ko‘rpa-to‘shakka yotqizish.
2. Zararlangan bo‘g‘imlarga isituvchi kompress, issiq grelka yoki qizitilgan g‘ishtni ro‘molga o‘rab qo‘yish.
3.Dorilardan aspirin, brufen, indometatsin, voltaren tabletkalarining birontasidan kuniga 3-4 mahal ichirish. Shuningdek, ampitsillin-0,5-1 gr dan 4 mahal, sefazolin 1 gr kuniga 2-3 mahal muskul orasiga.
4. Bitsillin - 3 bolalarga 300000, o'smir va kattalarga 600000 TB haftasiga bir marta muskul orasiga yuboriladi, jami 10 marta. Bitsillin-5 kattalarga 1500000 TB, bolalarga 750000 TB har oyda bir marta muskul orasiga yuboriladi, jami 10 marta.
5.Vitamin B6 har kuni, B12 kunora 1 marta muskul orasiga yuboriladi.
6.Kasallikning og'ir kechishida shifokor maslahati bilan 0,05% strofantin 0,3-0,5 ml yoki 0,06% korglikon 0,3-0,5 ml, 20%-10-15 ml glyukoza va kokarboksilaza 50-100 mg yoki kortizon 100-200 mg yuqoridagi dorilar bilan vena tomiriga yuboriladi.
Revmatizm bilan yurakning ichki, o`rta, tashqi qavatlari zararlanishi (endokardit, miokardit, perikardit, shuningdek, revmatik, poliartrit) kasalliklarida bemor revmokardiolog, xoreya kasalligida nevropatolog shifokorlari nazoratida davolanishi kerak.