Restoranda taomnoma va uni tuzish tartibi

Taomnoma shunday rasmiylashtirilishi kerakki, u reklama rolini o‘ynashi bilan birga umumiy ovqatlanish korxonasining o‘ziga xos xususiyatlarini ifoda etadi. Umumiy ovqatlanish korxonalarining tamg‘asi taomnomaga bezak vazifasini o‘taydi. Taomnoma yaxshi qog‘ozga aniq, yaxshi o‘qiladigan qilib, chiroyli harflar bilan yozilishi kerak. Harflar hajmi, bir-biriga mosligi, so‘zlar oralig‘i did bilan hisobga olinishi zarur. Chunki so‘zlar har xil odam nazariga har xil tashlanadi. Taomnoma ochilganda o‘ng tomonining yuqori qismi darrov ko‘zga tashlanadi, demak xuddi shu yerdan estetik his bilan ish boshlash lozim. Yangi taomlar, gazak, ichimliklar nomi chiroyli qilib yoziladi. Taomnoma pastki chap tomonida taom haqida kishini o‘ziga jalb qiladigan tarixiy ma’lumotnoma qismlari rasm bilan berilishi mumkin. Bosmaxonada chop etiladigan taomnomalarning har bir bo‘limida qo‘shimcha taomlar yoziladigan joy qolishi kerak, yangi taom, gazak, ichimliklar kiritiladi. Bunday taomnomalarda ovqat narxi kompyuterda yoziladi

Lyuks toifasidagi restoranlar taomnomalarida 15 tagacha sovuq, 3 tagacha issiq gazak, 5 ta suyuq ovqat, 30 ta ikkinchi issiq ovqat, 6 tagacha shirin taomlar bo‘ladi. Shahar tashqarisidagi milliy va tematik restoranlarda taom va ichimliklar miqdori alohida belgilanadi. Bunday hollarda restoranning asosiy assortimenti milliy va tematik yo‘nalishdagi maxsus taom va ichimliklardan iborat bo‘ladi.

Lyuks toifasidagi restoranlar taomnomalarida 15 tagacha sovuq, 3 tagacha issiq gazak, 5 ta suyuq ovqat, 30 ta ikkinchi issiq ovqat, 6 tagacha shirin taomlar bo‘ladi. Shahar tashqarisidagi milliy va tematik restoranlarda taom va ichimliklar miqdori alohida belgilanadi. Bunday hollarda restoranning asosiy assortimenti milliy va tematik yo‘nalishdagi maxsus taom va ichimliklardan iborat bo‘ladi.

Birinchi toifa restoranlarining taomnomasiga buyurtma va firma taomlari kiritiladi. Taomnomada taom yeyilishiga qarab ularning nomi navbat bilan yoziladi. Firma taomlari va hissali taomlar umumiy taomnomada maxsus bo‘lim qilib yoziladi. Taomlar navbat tartibi assortiment minimumiga, ya’ni bir kunda o‘tishi lozim bo‘lgan taom va ichimliklar miqdoriga mos kelishi kerak.