Республикаси олий ва ўрта махсус таълим вазирлиги

Позицияга кириш нуқталари билан MACD-гистограмма

Осцилляторлар
Ўртача нархлар билан таққослаганда осцилляторлар уларни фарқлаб турадиган бир нечта ўзига хос хусусиятларга эга:

1. 
   Осцилляторлар ўтиб кетувчи индикаторлар ҳисобланади, яъни улар нархлар хулқ-атворини яқин истиқболда башорат қилишга имкон беради, бу эса уларни фақат кечикадиган сигналлар берадиган тренд индикаторларидан фарқлаб туради.
   
2. 
   Тренд индикаторларидан фарқли равишда, осцилляторлар нархлар ҳаракати нарх йўлагида рўй берадиган жипслашув даврларида бозорда яққол ифодаланган тенденция (тренд) йўқлигида самарали бўлади.
   
3. 
   Ёлғон сигналлар сонининг кўплиги осцилляторларга хос бўлган камчилик ҳисобланади.
   

Осцилляторларни маятник билан ўхшатиш мумкин. Агар у етарли даражада узоққа оғдириладиган бўлса, у мувозанатга интилади. Бозорда ҳам худди шундай рўй беради. Агар нархлар нормал ҳолат чегарасидан анча узоқлашиб кетган бўлса, уларнинг қайтиши албатта рўй беради. Осцилляторлар таҳлили айнан шу тамойилга асосланади.
Осцилляторлар қуйидаги сигналлар беради:
–индикаторнинг экстремал ҳудудларга кириши ва чиқиши;
–дивергенция, яъни осциллятор ва нархлар ҳаракати йўналишидаги тафовут;
–нолинчи чизиқ орқали ўтиш.
Қуйидагилар энг тарқалган осцилляторлар ҳисобланади:
–Момент (Momentum).
–Нисбий куч индекси (RSI).
–Стохастик.
–Чайкин осциллятори.

Momentum

Momentum – осцилляторлар тузишнинг энг оддий усули. Momentum ҳар бир қиймати белгиланган вақт оралиқлари орқали нарх қийматлари ўртасидаги фарқ сифатида ҳисоблаб чиқилади. Олинган манфий ва мусбат қийматлар таянч нолинчи чизиқли графикда акс эттирилади. Ўртача кўрсаткичлар билан бўлган ҳолатдаги каби, нарх ҳаракатига Momentum чизиқлари бир тартиб пастроқ бўлганларда сезувчанлик юқорироқ бўлади.