Республикаси олий ва ўрта махсус таълим вазирлиги

Фан бўйича ўқувчиларнинг малакаларига қўйиладиган талаблар

• 
  Бухгалтерия хисобини ташкил этиш ва юритишнинг назарий асосларини билиш;
  
• 
  Бухгалтерия ҳисоби методи ва унинг асосий элементларини ҳисобда қўллай олиш;
  
• 
  Хўжалик маблағлари (активлар) ва хўжалик маблағларининг ташкил топиш манбалари (пассивлар)ни гуруҳлай олиш;
  
• 
  Бухгалтерия ҳисобининг счётларини туркумлай олиш, счётлар ёрдамида хўжалик муомалаларига праводкалар тузишни билиш;
  
• 
  Бухгалтерия ҳисобининг барча муомалаларини дастлабки ва йиғма ҳужжатларда акс эттира олиш;
  
• 
  Асосий хўжалик жараёнларини ҳисобларда акс эттиришни билиш;
  
• 
  Хўжалик маблағлари ва улариннг ташкил топиш манбаларини баҳолаш ва уларни белгиланган тартибда инвентаризациядан ўтказиш қоидаларини билиш;
  
• 
  Хўжалик юритувчи субъектларнинг бухгалтерия ҳисоботи асослари ва уларни тузиш ҳамда топшириш тартибларини билиш;
  

Фаннинг ўқув режадаги бошқа фанлар билан ўзаро боғлиқлиги, услубий жиҳатдан узвийлиги ва кетма-кетлиги

Фаннинг ўқитилиш семестри намунавий ўқув режадан келиб белгиланади, фаннинг ўзлаштирилиши яхши самара беришини назарда тутган ҳолда, уни умумтаълим ва умумкасбий фанлар билан биргаликда 1- курснинг I ва II семестрларида ўтилиши тавсия қилинади.

Дастурни амалга оширишда ўқув режада режалаштирилган фан блоклари кесимидаги фанлар таркиби қуйидагича:
Умумтаълим фанлари: Иқтисодиёт асослари.
Умумкасбий фанлар: Иқтисодиёт назарияси, микроиқтисодиёт, статистика, маркетинг ва менежмент асослари, солиқ тизими, пул муомаласи ва кредит, тадбиркорлик ва бизнес асослари.


Фанни ўқитишда фойдаланиладиган замонавий ахборот ва педагогик технологиялар

Фанни услубий жиҳатдан назарий ва амалий машғулотлар узвийлиги тарзида ташкил этилиши, бунда, назарий дарсларга фан дастурининг 30%, амалий дарсларга эса 70% ажратилиши яхши самара беради. Машғулотлар нинг ўтилиш кетма-кетлиги мавзуларнинг мураккаблашиш даражаси, уларнинг долзарблиги ва мантиқан боғликлигидан келиб чиққан ҳолда ишлаб чиқилди ва фаннинг мавзуий тақсимланишида келтирилди.

Фанни ўқитишда замонавий ахборот-коммуникация технологиялари (мультимедиали компьютер мажмуаси, проектор, кодоскоп)лардан, янги педагогик технологиялар (ақлий ҳужум, кичик гуруҳларга бўлиниб ишлаш, масала ва машқ, кейс-стади, брейн-ринг. иш ўйинлари, баҳс-мунозара, занжир, шажара дарахти ва бошқалар)ни қўлланилиши тавсия этилади.