Республикаси олий ва ўрта махсус таълим вазирлиги

Фан дастурининг асосий қисмлари
Кириш
Ушбу дастурда иқтисодиётни модернизациялаш шароитида реал иқтисодиёт секторларида бухгалтерия ҳисобининг ўрни ва аҳамияти, бухгалтерия ҳисоби методлари, фан тарихи ва ҳозирги кундаги ривожланиш тенденцияси, истиқболи ҳамда республикамиздаги ижтимоий-иқтисодий ислоҳотлар талаблари ва устувор вазифаларига алоҳида эътибор қаратилган.
Дастурда жаҳон молиявий-иқтисодий инқирози салбий оқибатларини бартараф этишга қаратилган ҳамда Давлат дастурларида белгиланган вазифаларни амалга оширишда, тайёрланаётган мутахассисларни реал иқтисодиёт секторлари ва соҳалари талабларига жавоб бериши эътиборга олинган. Ўқув режасига мувофиқ “Бухгалтерия ҳисоби ва аудит” йўналиши бўйича таълим олаётган ўқувчилар “Бухгалтерия ҳисоби назарияси” фанини ўрганади.


Фаннинг мақсади ва вазифалари
Мазкур ўқув дастурида ўқувчиларга амалдаги тармоқ таълим стандартлари доирасида чуқур билим ҳамда амалий кўникмаларни бериш, ўқитишнинг интерактив услублари, янги авлод ахборот коммуникация технологиялари, компьютерлаштирилган дастурлар қўллаган ҳолда машғулотларни назарий, амалий дарслар кўринишида ташкил этилиб чуқур назарий билимлар ва амалий кўникмалар бериш мақсад қилиб қўйилган.
Фан бўйича ўқувчиларнинг билими бўйича қуйидаги талаблар қўйилади:

• 
  Дастлабки иқтисодий билимларга эга бўлиш;
  
• 
  Иқтисодий категориялар, бозор иқтисодиётига ўтиш тамойилларини билиш;
  
• 
  Бухгалтерия хисобининг назарий асослари, унинг мақсади, вазифалари, предмети, объекти ва субъекти ҳамда методларини билиш;
  

Фан бўйича ўқувчиларнинг кўникмалари бўйича қуйидаги талаблар қўйилади:

• 
  Бухгалтерия ҳисобининг методи ва унинг асосий элементларини билиш;
  
• 
  Бухгалтерия баланси, унинг томонлари ва бўлимларини билиш;
  
• 
  Бухгалтерия хисобида хўжалик муомалаларини хужжатлаштиришни билиш;
  
• 
  Асосий хўжалик жараёнларини ҳисобга олиш тамойиллари;
  
• 
  Бухгалтерия ҳисоботини тузишнинг назарий асосларини билиш;