Respublika ta’lim markazi umumiy o‘rta ta’limning davlat ta’lim standarti va o‘quv dasturi

Milliy va umummadaniy kompetensiya:
A2
vatanga sadoqatli, insonlarga mehr-oqibatli hamda umuminsoniy va milliy qadriyatlarga e’tiqodli bo‘lish, badiiy asarlarni tushunish, orasta kiyinish.
A2+
vatanga sadoqatli, insonlarga mehr-oqibatli hamda umuminsoniy va milliy qadriyatlarga e’tiqodli bo‘lish, badiiy va san’at asarlarini tushunish, orasta kiyinish, sog‘lom turmush tarziga amal qilish.


Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
A2
aniq reja tuza olish, kundalik faoliyatda turli formula, chizmalarni o‘qiy olish.
A2+
kundalik reja tuza olish, turli formula, chizmalarni o‘qiy olish.


1-mavzu. Kirish. Badiiy so‘z qudrati (1 soat)
Badiiy adabiyotning so‘z san’ati ekanligi. Uning boshqa san’at turlari o‘rtasidagi o‘rni va ahamiyati. Hayot hodisalarini badiiy obrazlar vositasida tasvirlashning o‘ziga xosligi. Badiiy adabiyotning ilmiy adabiyotdan va san’atning boshqa turlaridan farqi. Adabiy tur va janrlar.

1. 
   KO‘ZIM QAROG‘IDASAN, VATAN!
   

(7 soat, A2+: 2 soat)


2-3-mavzu. Hamza. “Jonlarni jononi vatan”, “Dardiga darmon istamas” she’rlari. (2 soat)
Hamza Hakimzoda Niyoziy hayoti va ijodi haqida qisqacha ma’lumot.
Milliy uyg‘onish davri o‘zbek adabiyoti namoyandalari ijodida Vatan mavzuining asosiy o‘rinni egallash sabablari.
“Vatan”, “Dardiga darmon istamas” she’rlarida chorizm zulmi ostida ezilgan, jaholat botqog‘iga botgan Turkiston xalqlari qismatiga qayg‘urish. Shoirning xalq og‘zaki ijodiga xos timsollar va xalq iboralaridan foydalanishi.
4-5-mavzu. Saida Zunnunova. “Mening Vatanim!”, “Yer uzra qo‘ndi oqshom”, “Qizimga”, “Buvilar duoga qo‘llarin ochib” she’rlari. (2 soat)
Shoira hayoti va ijodi haqida qisqacha ma’lumot. Saida Zunnunova she’rlaridagi tuyg‘ular teranligi va samimiyligi. “Mening Vatanim!” she’rida yurtga muhabbat tuyg‘ularining ifoda qilinganligi. “Yer uzra qo‘ndi oqshom”, “Qizimga” she’rlarida ona mehrining badiiy yo‘sinda ifodalanganligi.
Saida Zunnunova she’rlarining badiiy xususiyatlari.