Respublika ta’lim markazi umumiy o‘rta ta’limning davlat ta’lim standarti va o‘quv dasturi

11-13-mavzu. Mirmuhsin. “Me’mor” romanidan parcha. (3 soat, A2+: 5 soat)
Mirmuhsin hayoti va ijodi haqida qisqacha ma’lumot. Asarda XV asr voqealarining tasvirlanganligi. Asar qahramonining sidqidildan xizmat qilganligi, muhtasham binolar qurib, hukmdorlar shuhratiga shuhrat qo‘shganligi, har qancha qiyinchilikka uchrasa-da, o‘z qarashlariga, e’tiqodiga sodiq qolganligi. Me’mor taqdiri orqali iste’dodli kishilar timsolining berilishi. Asardagi Najmiddin Buxoriy timsoli.
Nazariy ma’lumot. Roman va uning turlari.


Nazorat ishi: Insho va uning tahlili. (2 soat A2+: 3 soat)
Nazorat ishi: Test. (1 soat)
Takrorlash: (1 soat)
Sinfdan tashqari o‘qilgan asarlar muhokamasi: (1 soat A2+: 2 soat)


14-15-mavzu. O‘lmas Umarbekov. “Qiyomat qarz” hikoyasi. (2 soat)
Yozuvchi hayoti va ijodi haqida qisqacha ma’lumot. “Qiyomat qarz” hikoyasida aks ettirilgan inson kechinmalari, iztiroblari tasviri, hikoyadagi insoniy qadriyatlar talqini. Asarda millatga xos samimiylik, soddalik, bag‘rikenglik va irodalilikning ifodalanishi. Hikoya qahramonining qarzdorligi, kechinmalari va iztiroblarining haqqoniy tasvirlanganligi. Sarsonboy ota timsoli. Hikoyaning ahamiyati va ifoda tarzi. Hikoya orqali millatga xos halollik, o‘zganing haqidan qo‘rqish kabi insoniy sifatlarning ulug‘lanishi.
Nazariy ma’lumot. Hikoya haqida.
Mark Tven. “Tom Coyerning yangi sarguzashtlari”. (A2+: 3 soat)
Mark Tven hayoti va ijodi to‘g‘risida qisqacha ma’lumot.
“Tom Coyerning yangi sarguzashtlari” asari avtobiografik asar sifatida. Tom – ta’qiqlarni buzuvchi, yangilikka intiluvchi, xayolparast va tirishqoq bola sifatida tasvirlanganligi. Asarda bolalar dunyosining o‘ziga xos tarzda tasvirlangani. Asarning badiiy-estetik xususiyatlari va ma’rifiy, badiiy ahamiyati.
16-18-mavzu. Ch. Aytmatov. “Oq kema” qissasi. (3 soat, A2+: 5 soat)
Adib haqida qisqacha ma’lumot. “Oq kema” qissasida ta’sirchan, beg‘ubor va xayolchan bola timsolining tasvirlanishi. Shuningdek, uning qalbiga xos pokiza va ezgu tuyg‘ularning bobosi Mo‘min chol tabiatida ham namoyon bo‘lishi. Go‘zal insoniy tuyg‘ular sohibining manfaatparastlar davrasida yashashi nechog‘lik og‘ir ekanligi bola, chol va O‘rozqul munosabatlarida aks etishi. Bu holatning bola ruhiyatiga dahshatli ta’siri.
Hayotiy voqelik va bolaning xayolot olami o‘rtasidagi shafqatsiz ziddiyatning ko‘rsatilishi. Qabohatlar manbai qayerdaligini bilmagan va ularga qarshilik qilishdan ojiz gunohsiz bolaning bu bulg‘anch dunyoni tashlab ketishi insonning ma’naviy tanazzuliga qilingan isyon ekanligi.
Ona bug‘u obrazi va uning ramziy xususiyati.
Nazariy ma’lumot. Ramziy obrazlar.