Respublika ta’lim markazi umumiy o‘rta ta’limning davlat ta’lim standarti va o‘quv dasturi

Nazorat ishi: Insho va uning tahlili. (2 soat, A2+: 3 soat)
Nazorat ishi: Test. (1 soat)
Takrorlash: (1 soat)
Sinfdan tashqari o‘qilgan asarlar muhokamasi: (1 soat, A2+: 2 soat)


O‘quvchilar sinfda va mustaqil o‘qishlari, yod olishlari lozim bo‘lgan asarlar:
Abdulla Qodiriy. “Mehrobdan chayon” romani.
Cho‘lpon. She’rlar.
Abdulla Qahhor. Hikoyalar.
Mirtemir. She’rlar.
Xayriddin Saloh. “Yulduzlar afsonasi” asari.
E. S. Tompson. “Yovvoyi yo‘rg‘a” asari.


Asarlarni o‘rganish uchun – 48 soat (A2+: 74 soat).
Yozma ishlar uchun – 12 soat (A2+: 16 soat).
Takrorlash uchun – 4 soat.
Sinfdan tashqari o‘qilgan asarlar muhokamasi – 4 soat (A2+: 8 soat).
Jami: 68 soat, A2+:102 soat.

“Notiqlik san’ati” (Yondosh dastur)

(A2+ 34 soat)
Kirish. “Notiqlik san’ati” xususida umumiy tushuncha. (1 soat)
“Notiqlik san’ati” fanining maqsad va vazifalari, tarixi, notiqlikning o‘ziga xos qirralari. Notiqlik – nutqning oqzaki shakli ekanligi. O‘zbekistonda nutqqa e’tiborning kuchayganligi. O‘zbek tilida fikr-mulohazalarni ravon ifodalashning muhimligi.
Amaliy mashg‘ulot. (2 soat)
Ifodali o‘qish mashqi.
G‘arbdagi notiqlik san’ati tarixi xususida. (1 soat)
G‘arbda notiqlik ritorika atamasi bilan nomlanganligi. Notiqlik san’atining qadim Yunonistonda shakllanganligi. Bu san’atning bevosita davlat ishlari bilan bog‘liq rasmiy doiralarda nutq so‘zlash bilan bog‘liqligi. Mashhur notiqlar haqida ma’lumot. Aristotel (384-322), Demosfen (384-322) va Sitseron (103-43) faoliyati.
Amaliy mashg‘ulot. (2 soat)
G‘arbdagi mashhur notiqlar fikrlaridan namunalar.
Sharqdagi notiqlik san’ati tarixiga doir. (2 soat)
Sharq dunyosida, xususan, musulmon olamida notiqlik san’ati bevosita muqaddas kitob - Qur’oni Karimni tilovat qilish, hadisi sharifni tushuntirish bilan bog‘liqligi. Sharqda notiqlar voiz – va’z, suxandon, ma’ruza aytuvchi deb yuritilganligi. Balog‘at va fasohat xususida. Sharqdagi mashhur voizlar to‘g‘risida ma’lumot. Husayn Voiz Koshifiy va boshqa mashhur shaxslar faoliyati.